Noo Mark 16:1 - Yn Conaant Noa 1810

¹ As tra va’n doonaght ec kione, va Moirrey Malaine, as Moirrey moir Yamys as Salome, er chionnaghey spisyn millish, dy voddagh ad cheet dy ooillaghey eh.

Yn Vible Casherick 1775 1819

¹ As tra va’n doonaght ec kione, va Moirrey Malaine, as Moirrey moir Yamys as Salome, er chionnaghey spiceyn millish, dy voddagh ad cheet dy ooilaghey eh.

Noo Mark 16:1 ပူးပေါင်းရင်းမြစ်များ

Noo Mark 14:3

As myr v’eh ny hoie ec bee, ayns Bethany, ayns thie Simon yn lourane, haink ben as box alabaster dy ooil eck, jeh spikenard, feer chostal; as doshil ee yn box, as gheayrt ee eh er y chione echey.

Noo Mark 14:8

T’ee er n’yannoo gys rere e pooar; t’ee er jeet ro‐laue dy ooillaghey my chorp cour my oanluckey.

Noo Mark 15:40

Va myrgeddin ymmodee mraane cur‐my‐ner veih foddey: nyn mast’ oc va Moirrey Malaine, as Moirrey moir Yamys byloo as Joses as Salome;

Noo Mark 15:42

As nish tra va’n fastyr er jeet (er‐yn‐oyr dy nee traa yn aarlaghey ve, ta shen, yn laa roish yn doonaght)

Noo Mark 15:47

As honnick Moirrey Malaine, as Moirrey moir Yoses, cre raad v’eh er ny oanluckey.

Noo Mark 16:2

As feer voghey ayns y vadran, er y chied laa jeh’n chagh‐tin, haink ad gys yn oaie ec irree ny greiney.

Noo Mark 16:8

As hie ad magh ayns siyr, as roie ad roue veih’n oaie, son va’d er‐creau as atchimagh: chamoo loayr ad veg rish dooinney erbee; son va’d agglit.

Noo Luke 23:54

As va shen laa yn aarlaghey, as va yn doonaght tayrn er‐gerrey.

Noo Luke 23:56

As haink ad rhymboo, as hooar ad aarloo spisyn as ooilyn; as ghow ad fea er laa yn doonaght cordail rish yn anney.

Noo Luke 24:1

Nish er y chied laa jeh’n chiaghtin, eer sy vadran, haink ad gys yn oaie, cur lhieu ny spisyn v’ad er gheddyn aarloo, as mraane elley mâroo.

Noo Ean 19:25

Nish va nyn shassoo liorish crosh Yeesey, e voir, as shuyr e vayrey, Moirrey ben Cleopas, as Moirrey Malaine.

Noo Ean 19:31

Shen‐y‐fa son dy nee laa yn aarlaghey ve, as nagh beagh ny kirp er y chrosh er laa yn doonaght (son va’n doonaght shen ny ard‐laa) ghuee ny Hewnyn er Pilate, ny lurgaghyn oc dy ve brisht, as ad dy ve goit ersooyl.