Noo Mark 13:9 - Yn Conaant Noa 1810

⁹ Agh jeeagh‐jee shiuish diu hene: son livreyee ad shiu seose gys coonceilyn; as ayns ny quaiyllyn vees shiu er nyn mwoalley, as ver ad lhieu shiu kiongoyrt rish fir‐reill as reeaghyn er choontey aym’s, dy ve son feanishyn jeem’s.

Yn Vible Casherick 1775 1819

⁹ Agh jeeagh-jee shiuish diu hene: son livreyee ad shiu seose gys coonceilyn; as ayns ny quaiylyn vees shiu er nyn mwoalley, as ver ad lhieu shiu kiongoyrt rish fir-reill as reeaghyn er y choontey aym’s, dy ve son feanishyn jeem’s.

Noo Mark 13:9 ပူးပေါင်းရင်းမြစ်များ

Noo Mian 5:22

Agh ta mish gra riuish, Quoi‐erbee ta fargagh rish e vraar gyn oyr, dy jig eshyn neesht fo kerraghey yn vriwnys: as quoi‐erbee jir rish e vraar, Raca: dy jig eh fo briwynys yn ard‐whuaiyl: agh quoi‐erbee jir, Uss ommydan, dy bee eh ayns gaue aile niurin.

Noo Mark 1:44

As dooyrt eh rish, Jeeagh nagh loayr oo veg rish dooinney erbee: agh immee royd, jeeagh oo hene da’n taggyrt, as cheb son dty ghlenney shen doardee Moses son cowrey daue.

Noo Mark 13:5

As dreggyr Yeesey ad, as ren eh toshiaght dy ghra, Bee‐jee er nyn dwoaie nagh jean dooinney erbee shiu y volley.

Noo Mark 13:8

Son nee ashoon girree‐magh noi ashoon, as reeriaght noi reeriaght: as bee craaghyn‐thallooin ayns ymmodee ynnydyn, as gennaghyn as seaghyn: ad shoh toshaight trimshaghyn.

Noo Mark 6:11

As quoi‐erbee nagh jean goaill riu, ny geill y choyrt da ny goan eu, tra vees shiu goll reue, crie‐jee yn joan ta fo ny cassyn eu, son feanish nyn ’oï. Dy firrinagh ta mee gra riu, Dy bee eh ny sassey son Sodom as Gomorrah ec laa ny briwnys, na son yn ard‐valley shen.

Noo Luke 9:5

As quoi‐erbee nagh jean goaill riu, tra aagys shiu yn ard‐valley shen, crie‐jee yn eer joan jeh ny cassyn eu, son feanish nyn ’oï.

Noo Ean 15:20

Cooinee‐jee er y raa loayr mish riu, Cha vel y charvaant ny syrjey na e hiarn. My t’ad er n’yannoo tranlaase orrym’s, nee ad myrgeddin tranlaase erriuish: my t’ad er vreayll my ghoan’s, freillee ad ny goan euish myrgeddin.

Noo Ean 16:2

Ver ad shiu magh ass ny kialteenyn: as ta’n oor cheet, quoi‐erbee varrys shiu, dy smooinee eh dy bee eh shirveish Jee.

Jannoo 21:11

As tra v’eh er jeet hooin, ghow eh cryss Phaul, as chiangle eh e laueyn as e chassyn hene, as dooyrt eh, Shoh myr ta’n Spyrryd Noo gra, Er yn aght cheddin nee ny Hewnyn ec Jerusalem kiangley yn dooinney s’lesh yn cryss shoh, as eh y livrey gys laueyn ny Hashoonee.

Jannoo 7:54

Tra cheayll ad ny goan shoh v’ad guint gys y chree, as slieeu ad nyn veeacklyn er.

Jannoo 9:16

Son soilshee‐yms da, cre ny seaghyn mooarey shegin da y hurranse son my ennym’s.

Philippianee 1:29

Son diuish te er ny choyrt ass lieh Chreest, cha nee ny‐lomarcan dy chredjal ayn, agh myrgeddin dy hurranse er y ghraih echey;

2 Thessalonianee 1:5

Ta cowrey cronnal jeh briwnys cairagh Yee, dy vod shiu ve coontit feeu jeh reeriaght Yee, er y hon ta shiu myrgeddin surranse:

2 Ean 1:8

Jeeagh‐jee diu hene nagh gaill mayd ny reddyn shen ta shin er chosney, agh dy vow mayd slane leagh.

Ashlish 1:9

Mish Ean, ta myrgeddin nyn mraar, as sheshey ayns seaghyn, as ayns reeriaght as surranse Yeesey Creest, va mee ayns yn ellan, ta enmyssit Patmos, er graih goo Yee, as son recortys Yeesey Creest.

Ashlish 2:10

Ny gow aggle roish veg jeh ny reddyn shen nee oo surranse: cur‐my‐ner, nee yn drogh‐spyrryd paart eu y hilgey ayns pryssoon, dy vod shiu v’er nyn browal; as bee shiu fo tranlaase jeih laa: bee uss firrinagh gys y vaase, as ver‐yms dhyt attey dy vea.

Ashlish 2:13

Shione dou dty obbraghyn, as dty chummal, dy jarroo raad ta stoyl‐reill Noid‐ny‐hanmey; as t’ou lhiantyn shickyr gys m’ennym, as cha vel oo er n’obbal my chredjue, eer ayns ny laghyn shen ayndoo va Antipas my eanish firrinagh, v’er ny choyrt dy baase nyn mast’ eu, raad ta’n Drogh‐spyrryd cummal.