Noo Mark 13:26 - Yn Conaant Noa 1810

²⁶ As eisht hee ad Mac y dooinney cheet ayns ny bodjallyn, lesh pooar as ard‐ghloyr.

Yn Vible Casherick 1775 1819

²⁶ As eisht hee ad Mac y dooinney cheet ayns ny bodjallyn, lesh pooar as ard-ghloyr.

Noo Mark 13:26 ပူးပေါင်းရင်းမြစ်များ

Noo Mian 16:17

Dansoor Yeesey, as dooyrt eh rish, Bannit t’ou uss Simon mac Jona: son cha nee feill as fuill t’er hoilshaghey shoh dhyt’s agh my Ayr t’ayns niau.

Noo Mian 16:27

Son hig Mac y dooinney ayns gloyr e Ayrey, as e ainleyn casherick mârish: as ec y traa shen cooilleenee eh da dy chooilley ghooinney cordail rish e obbraghyn.

Noo Mian 16:28

Dy firrinagh ta mee gra, riu, Dy vel paart nyn shassoo ayns shoh, nagh jean blashtyn er y baase, derrey hee ad Mac y dooinney cheet ayns e reeriaght.

Noo Mian 24:30

As eisht bee cowrey Mac y dooinney er ny akin ayns yn aer: as ec y traa shen nee ooilley sheelogheyn y thallooin dobberan, as hee ad yn Mac dooinney cheet ayns bodjallyn yn aer, lesh pooar as gloyr vooar.

Noo Mian 25:31

Tra hig Mac y dooinney ayns e ghloyr, as ooilley e ainleyn casherick mârish shen y traa hoie‐ys eh er stoyl‐reeoil e ghloyr.

Noo Mark 14:62

As dooyrt Yeesey, She shen mee: as hee shiuish Mac y dooinney ny hoie er laue yesh y phooar, as cheet ayns bodjallyn yn aer.

Noo Mark 8:38

Quoi‐erbee er‐y‐fa shen ghoys nearey roym’s, as roish my ghoan, ayns y cheeloghe foalsey as peccoil shoh, roishyn myrgeddin ghoys Mac y dooinney nearey, tra hig eh ayns gloyr e Ayrey, as ny ainleyn casherick mârish.

Noo Mark 9:1

As dooyrt eh roo, Dy firrinagh ta mee gra riu, Dy vel paart jeusyn ta nyn shassoo ayns shoh, nagh jean blashtyn er y baase, derrey vees ad er vakin reeriaght Yee er jeet lesh pooar.

Noo Luke 21:27

As eisht hee ad Mac y dooinney cheet ayns bodjal lesh pooar as ard‐ghloyr.

Jannoo 1:11

Dooyrt myrgeddin, Gheiney Ghalilee, cre’n‐fa ta shiuish nyn shassoo blakey seose syn aer? nee Yeesey shoh t’er ny ghoaill veue gys niau, cheet reesht er yn aght cheddin ta shiu er n’akin eh goll seose gys niau.

1 Thessalonianee 4:16

Son hig y Chiarn neose veih niau lesh eam ard, lesh coraa yn ard‐ainle, as lesh cayrn Yee: as nee ny merriu ayns Creest girree hoshiaght.

2 Peddyr 1:16

Son cha vel shin er n’eiyrt da skeeallyn troggit dy croutagh, tra ren shin soilshaghey diu pooar as cheet nyn Jiarn Yeesey Creest, agh va shin feanishyn sooilley jeh e ard‐ooashley.

Ashlish 1:7

Cur‐my‐ner, t’eh cheet lesh bodjallyn; as hee dy chooilley hooill eh, as adsyn myrgeddin ren eh y hoylley: as nee ooilley kynneeyn y thallooin dobberan kyndagh rish: myr shen dy row, Amen.