Noo Mark 13:10 - Yn Conaant Noa 1810

¹⁰ As shegin da’n sushtal ve hoshiaght er ny phreacheil mastey dy chooilley ashoon.

Yn Vible Casherick 1775 1819

¹⁰ As shegin da’n sushtal ve hoshiaght er ny phreacheil mastey dy chooilley ashoon.

Noo Mark 13:10 ပူးပေါင်းရင်းမြစ်များ

Noo Mian 12:41

Nee deiney Nineveh girree seose ayns briwnys, as y cheeloghe shoh y gheyrey, er‐yn‐oyr dy ghow ad arrys ec preacheil Yonas, as cur‐my‐ner, ta fer syrjey na Jonas ayns shoh.

Noo Mian 24:14

As bee sushtal yn reeriaght er ny phreacheil ayns ooilley yn seihll, son feanish da dy chooilley ashoon, as eisht nee yn jerrey cheet.

Noo Mark 16:15

As dooyrt eh roo, Immee‐jee magh trooid ooilley yn seihll, as jean‐jee yn sushtal y phreacheil da dy chooilley chretoor.

Romanee 1:8

Hoshiaght, ta mee coyrt booise da my Yee trooid Yeesey Creest er nyn son eu ooilley, dy vel y credjue euish er ny imraa jeh trooid y slane seihll.

Romanee 10:18

Agh ta mish dy ghra, Nagh vel adsyn er chlashtyn? Ta dy feer, hie yn coraa oc er feai‐nycruinney, as ny goan oc gys ny ardjyn sodjey magh jeh’n theihll.

Romanee 15:19

Trooid cowraghyn niartal as yindyssyn, liorish pooar Spyrryd Yee; myr shen voish Jerusalem, as ooilley mygeayrt Illyricum, ta mee dy slane er phreacheil sushtal Chreest.

Colossianee 1:23

My nee shiu tannaghtyn ’sy chredjue gruntit as shickyrit, as gyn ve scughit ersooyl veih treishteil y tushtal, ta shiu er chlashtyn, as v’er ny phreacheil da dy chooilley chretoor fo niau; jeh shen ta mish Paul pointit dy ve my hirveishagh.

Colossianee 1:6

Ta er roshtyn hiuish, myr te gys ooilley yn seihll, as gymmyrkey mess, myr te myrgeddin, ayndiuish, er‐dyn laa cheayll shiu jeh, as hoig shiu grayse Yee ayns firrinys.

Ashlish 14:6

As honnick mee ainle elley getlagh trooid mean yn aer, as echey yn sushtal dy bragh farraghtyn dy phreacheil dauesyn ta cummal er y thalloo, as da dy chooilley ashoon, as kynney, as glare, as pobble,