Noo Mark 12:6 - Yn Conaant Noa 1810

⁶ As va echey foast un vac, er v’eh feer ghraihagh, as hug eh eshyn myrgeddin ec y jerrey huc, gra, Ver ad arrym da my vac.

Yn Vible Casherick 1775 1819

⁶ As va echey foast un vac, er v’eh feer ghraihagh, as hug eh eshyn myrgeddin ec y jerrey huc, gra, Ver ad arrym da my vac.

Noo Mark 12:6 ပူးပေါင်းရင်းမြစ်များ

Noo Mian 1:23

Cur‐my‐ner nee moidyn gientyn, as ver ee mac son y theihll, as nee ad genmys eh Emmanuel, ta shen dy ghra, Jee mârin.)

Noo Mian 11:27

Ta dy chooilley nhee er ny livrey dooys liorish my Ayr: as cha nhione da dooinney erbee yn Mac, agh yn Ayr: chamoo shione da dooinney erbee yn Ayr, agh y Mac, as eshyn da s’gooidsave lesh yn Mac eh y hoilshaghey.

Noo Mian 17:5

Choud as v’eh foast loayrt, ren bodjal sollys skeayley harrystoo: as cur‐my‐ner haink coraa ass y vodjal, gra, Shoh my vac ennoil, ayn ta mee goaill slane taitnys, eaisht‐jee rishyn.

Noo Mian 26:63

Agh va Yeesey ny host. As dreggyr yn ard‐saggyrt as dooyrt eh rish, Ta mee cur currym ort liorish y Jee bio, oo dy insh dooin, nee oo yn Creest mac Yee.

Noo Mian 3:17

As cur‐my‐ner, coraa veih niau gra, Shoh my vac ennoil, jeh ta mee dy mooar soiaghey.

Noo Mark 1:11

As haink coraa veih niau, gra, Oo my vac ennoil, jeed ta mee dy mooar soiaghey.

Noo Mark 12:5

As reesht hug eh huc sharvaant elley; as eshyn ren ad y vârroo: as ymmodee elley, bwoalley paart, as marroo paart.

Noo Mark 12:7

Agh dooyrt ny eirinnee shen ny mast’ oc hene, Shoh’n eirey: tar‐jee as lhig dooin eh y varroo, as bee yn eiraght lhien hene.

Noo Mark 9:7

As ren bodjal scadoo y hilgey harrystoo: as haink coraa ass y vodjal, gra, Shoh my vac ennoil; eaisht‐jee rish.

Noo Luke 3:22

As haink y Spyrryd Noo neose er, myr ayns cummey dooghyssagh calmane, as haink coraa veih niau, gra, Oo my vac ennoil, jeed ta mee dy mooar soiaghey.

Noo Luke 9:35

As haink coraa ass y vodjal, gra, Shoh my vac graihagh eaisht‐jee rishyn.

Noo Ean 1:14

As ghow yn Goo er dooghys ny foalley, as ren eh beaghey nyn mast’ ain (as hug shin my‐ner yn ghloyr echey, yn ghloyr myr jeh’n ynrycan Mac er‐ny‐gheddyn jeh’n Ayr) lane dy ghrayse as dy irrinys.

Noo Ean 1:18

Cha vel unnane erbee er vakin Jee ec traa erbee; yn ynrican Mac v’er‐ny‐gheddyn, ta ayns oghrish yn Ayr, eshyn t’er hoilshaghey eh.

Noo Ean 1:34

As honnick mee eh, as dymmyrk mee feanish, dy nee shoh Mac Yee.

Noo Ean 1:49

Dreggyr Nathanael as dooyrt eh rish, Rabbi, oo mac Yee, oo ree Israel.

Noo Ean 3:35

Ta’n Ayr graihagh er y Mac, as t’eh er chur dy chooilley nhee fo yn laue echey.

Noo Ean 5:23

Dy voddagh dy chooilley ghooinney ooashley y choyrt da’n Mac, myr t’ad cur ooashley da’n Ayr. Eshyn nagh vel cur ooashley da’n Mac, cha vel eh coyrt ooashley da’n Ayr ren y choyrt eh.

Hebrewnee 1:6

As reesht, tra t’eh coyrt lesh yn chied‐er‐ny‐gheddyn Mac gys y theihll, t’eh gra, As lhig da ooilley ainleyn Yee ooashley ’choyrt da.

1 Ean 4:9

Ayns shoh ta graih Yee er ny hoilshaghey dooinyn, er‐yn‐oyr dy ren Jee e ynrycan er‐ny‐gheddyn Vac y choyrt gys y theihll, dy voddagh shin ve bio ny hrooidsyn.

3 Ean 1:1

Yn ostyl shinney gys my charrey graihagh Gaius, shynney lhiam ayns yn irriney.