Noo Mark 12:40 - Yn Conaant Noa 1810

⁴⁰ T’ad cur mow thieyn mraane‐treoghe, as son scaa dy chraueeaght lhiggey orroo dy ve mennick ec padjer: ta briwnys strimmey ny chour oc shoh.

Yn Vible Casherick 1775 1819

⁴⁰ T’ad cur mow thieyn mraane-treoghe, as son scaa dy chraueeaght lhiggey orroo dy ve mennick ec padjer: ta briwnys s’trimmey ny chour oc shoh.

Noo Mark 12:40 ပူးပေါင်းရင်းမြစ်များ

Noo Mian 23:13

Agh smerg diuish scrudeyryn as Phariseeyn, chrauee‐oalsey; son ta shiu dooney seose reeriaght niau noi deiney: cha vel shiu goll stiagh shiu hene, as ta shiu dyn lhiettal adsyn ta aggindagh er goll stiagh.

Noo Mian 23:14

Smerg diu scrudeyryn as Phariseeyn, chrauee oalsey; son ta shiu cleiy fo thieyn mraane‐treoghe, as son scaa dy chraueeaght lhiggey erriu dy ve kinjagh ayns padjer: shen‐y‐fa ta kerraghey strimmey nyn gour.

Noo Mian 23:33

Shiuish ard‐nieughyn, sheeloghe dy ard‐nieughyn, kys oddys shiu kerraghey niurin y scapail?

Noo Mian 6:7

As ayns nyn badjeryn ny gow‐jee lhieu harrish as harrish myr ny Ashoonee: son er‐lhieu dy vow ad clashtyn liorish nyn ymmodee goan fardalagh.

Noo Mark 12:39

As ny ard‐stuill y ve oc ayns ny synagogueyn, as ny ard ynnydyn‐soie cuirraghyn:

Noo Luke 20:47

T’ad cur‐mow thieyn mraane‐treoghe, as son scaa dy chraueeaght lhiggey orroo dy ve mennick ayns padjer: ta briwnys strimmey nyn gour oc shoh.

2 Corinthianee 11:20

Son ta shiu fuilliaghtyn, my ta dooinney coyrt lesh shiu ayns bondiaght, my ta dooinney dy spooilley shiu, my ta dooinney goaill jiu, my ta dooinney troggal eh hene seose dy mooaralagh, my ta dooinney bwoalley shiu er yn eddin.

2 Timothy 3:6

Son jeh’n sorch shoh t’adsyn ta dy steetagh goll stiagh ayns thieyn, as leeideil ayns cappeeys mraane eddrym laadit lesh peccaghyn, er nyn goyrt lhieu ersooyl lesh ymmodee yeearreeyn peccoil,