Noo Mark 12:2 - Yn Conaant Noa 1810

² As ec yn imbagh cooie hug eh shaarvant gys ny eirinnee, dy gheddyn veih ny eirinnee jeh mess y gharey feeyney.

Yn Vible Casherick 1775 1819

² As ec yn imbagh cooie hug eh sharvaant gys ny eirinnee, dy gheddyn veih ny eirinnee jeh mess y gharey-feeyney.

Noo Mark 12:2 ပူးပေါင်းရင်းမြစ်များ

Noo Mian 21:34

As tra va earish ny mess tayrn er‐gerrey, hug eh e ir‐vooinjerey gys y tannys, dy gheddyn jeh’n mess echey.

Noo Mark 12:1

As ren eh toshiaght dy loayrt roo liorish coraaghyn‐dorraghey. Va dooinney dy row ren garey‐feeyney y hoiaghey, as ren eh cleigh mygeayrt‐y‐mysh, as chleiy eh ynnyd son y press‐feeyney, as hrog eh toor, as hoie eh eh rish eir‐rinnee, as hie eh gys cheer foddey.

Noo Mark 12:3

As ghow ad as woaill ad eh, as hug ad eh er ersooyl follym.

Noo Luke 12:48

Agh eshyn nagh row toiggal, as ren foiljyn va toilliu kerraghey, cha bee yn kerraghey echey cha trome. Son da quoi‐erbee ta mooarane er ny choyrt, ersyn vees mooarane er ny hirrey: as da quoi‐erbee ta lane currit er e churrym, veihsyn nee sleih jeeaghyn son ny smoo.

Noo Luke 20:10

As ec yn imbagh, hug eh fer‐mooinjerey gys ny eirinnee, dy choyrt da jeh mess y gharey‐feeyney: agh woail ny eirinnee eh, as hug ad eh ersooyl follym.

Hebrewnee 1:1

Jee, ren ec ymmodee earishyn, as ayns caghlaaghyn dy aghtyn, loayrt ayns y traa t’er n’gholl shaghey rish ny ayraghyn liorish ny phadeyryn,