Noo Mark 12:1 - Yn Conaant Noa 1810

¹ As ren eh toshiaght dy loayrt roo liorish coraaghyn‐dorraghey. Va dooinney dy row ren garey‐feeyney y hoiaghey, as ren eh cleigh mygeayrt‐y‐mysh, as chleiy eh ynnyd son y press‐feeyney, as hrog eh toor, as hoie eh eh rish eir‐rinnee, as hie eh gys cheer foddey.

Yn Vible Casherick 1775 1819

¹ As ren eh toshiaght dy loayrt roo liorish coraaghyn-dorraghey. Va dooinney dy row ren garey-feeyney y hoiaghey, as ren eh cleigh mygeayrt-y-mysh, as chleiy eh ynnyd son y press-feeyney, as hrog eh toor, as hoie eh eh rish eirinnee, as hie eh gys cheer foddey.

Noo Mark 12:1 ပူးပေါင်းရင်းမြစ်များ

Noo Mian 13:3

As loayr eh mooarane reddyn roo ayns coraaghyn‐dorraghey, gra, Cur‐jee my‐ner, hie correyder magh dy chuirr.

Noo Mian 21:28

Agh cre ta shiu dy smooinaghtyn? Va dooinney dy row as daa vac echey, as haink eh gys er‐shinney, as dooyrt eh, Vac, Immee as obbree jiu ayns my gharey‐feeyney.

Noo Mian 21:33

Eaisht‐jee rish coraa‐dorraghey elley: Va fer‐thie dy row ren garey‐feeyney y hoiaghey, as ren eh cleigh y yannoo mysh, as chleiy eh press‐feeyney ayn, as hrog eh toor, as hoie eh eh rish tannys, as hie eh gys cheer foddey.

Noo Mian 21:34

As tra va earish ny mess tayrn er‐gerrey, hug eh e ir‐vooinjerey gys y tannys, dy gheddyn jeh’n mess echey.

Noo Mian 25:14

Son ta reeriaght niau myr dooinney va mysh goaill jurnah gys cheer foddey, deïe er e harvaantyn hene, as livrey eh daue e chooid:

Noo Mark 11:33

As dreggyr ad as dooyrt ad rish Yeesey, Cha vod mayd ginsh. As dreggyr Yeesey as dooyrt eh roosyn, Chamoo inshyms diuish liorish cre’n phooar ta mee dy yannoo ny reddyn shoh.

Noo Mark 13:34

Son ta’n Mac dooinney myr fer va goll er jurnah foddey, as daag e hie, as hug currym er e vooinjer, as da dy chooilley ghooinney e obbyr hene, as doardee eh da’n porter dy reayll arrey.

Noo Mark 3:23

As deïe eh orroo huggey, as dooyrt eh roo ayns coraaghyn‐dorraghey, Kys oddys Satan Satan y chastey?

Noo Mark 4:2

As dynsee eh daue ymmodee nheeghyn ayns coraaghyn‐dorraghey, as dooyrt eh roo ayns e ynsagh,

Noo Luke 15:13

As laghyn ny lurg shen, hymsee yn mac saa ooilley cooidjagh, as ghow eh jurnah gys cheer foddey, as ayns shen hug eh jummal er e chooid liorish beaghey rouanagh.

Noo Luke 19:12

Dooyrt eh er‐y‐fa shen, Hie dooinney ooasle dy row gys cheer foddey, dy gheddyn da hene reeriaght, as dy heet back reesht.

Noo Luke 22:9

As dooyrt ad rish, C’raad sailt shin y yannoo aarloo.

Noo Luke 8:10

As dooyrt eh, Diuish te er ny choyrt dy hoiggal folliaghtyn reeriaght Yee; agh da feallagh elley ayns coraaghyn‐dorraghey: ga t’ad fakin cha vel ad cur‐my‐ner, as clashtyn cha vel ad toiggal.

Jannoo 7:38

Shoh eh va harrish yn agglish ayns yn aasagh, marish yn ainle loayr rish er cronk Sina, as rish ny ayraghyn ain: eh hooar goan ny bea dy choyrt ad dooinyn.