Noo Mark 11:25 - Yn Conaant Noa 1810

²⁵ As tra vees shiu shassoo dy ghoaill padjer, leih‐jee my ta nhee erbee eu noi dooinney erbee: dy vod nyn Ayr mygeddin t’ayns niau nyn loghtyn y leih diuish.

Yn Vible Casherick 1775 1819

²⁵ As tra vees shiu shassoo dy ghoaill padjer, leih-jee, my ta nhee erbee eu noi dooinney erbee: dy vod nyn Ayr myrgeddin t’ayns niau nyn loghtyn y leih diuish.

Noo Mark 11:25 ပူးပေါင်းရင်းမြစ်များ

Noo Mian 5:23

Shen‐y‐fa tra hebbys oo dty oural ec yn altar, my chooinys oo ayns shen dy vel nhee erbee ec dty vraar dt’oï;

Noo Mian 6:12

As leih dooin nyn loghtyn, myr ta shin leih dauesyn ta jannoo loghtyn nyn ’oï.

Noo Mian 6:5

As tra vees oo goaill padjer, cha jean oo myr ny crauee‐oalsey: son shynney lhieusyn shassoo seose ayns ny margaghyn, as ayns king ny straidyn dy ghoaill padjer, er‐chee dy v’er ny akin liorish deiney. Dy firrinagh ta mee gra riu, dy vel ad er gheddyn nyn leagh.

Noo Luke 18:11

Hass y Pharisee as ghow eh padjer myr shoh rish hene, Yee, ta mee cur booise dhyt, nagh vel mish myr deiney elley, tranlaasee, neu‐chairagh, brishey‐poosey, ny foast myr y publican shoh.

Noo Luke 18:13

As hass y publican foddey veih, as cha b’lhoys da wheesh as e hooillyn y hroggal seose gys niau, agh woaill eh er e chleeau, gra, Dy row Jee myghinagh dooys ta my ghooinney peccoil.

Noo Luke 6:37

Ny jean‐jee briwnys, as cha bee shiu er nyn mriwnys: ny jean‐jee deyrey, as cha bee shiu er nyn gheyrey: leih‐jee, as yiow shiu leih:

Ephesianee 4:32

As bee‐jee dooie yn derrey yeh da’n jeh elley, meigh‐chreeagh, leih da y cheilley, dy jarroo myr ta Jee son graih Chreest er leih diuish.

Colossianee 3:13

Gymmyrkey yn derrey yeh lesh y jeh elley, as leih da ’cheilley, my ta dooinney erbee as streeu echey rish fer elley; dy jarroo myr ta Creest er leih diuish, myr shen myrgeddin jean‐jee shiuish leih dauesyn.

Jamys 2:13

Son yiow eshyn briwnys dyn myghin, nagh vel er hoilshaghey myghin; as ta myghin boggyssagh harrish briwnys.

Ashlish 11:4

Ad shoh yn daa villey‐olive, as y daa chainleyr shassoo kionfenish Jee yn theihll.