Noo Mark 11:14 - Yn Conaant Noa 1810

¹⁴ As dreggyr Yeesey, as dooyrt eh rish, Nar ee dooinney erbee mess jeeds veih shoh magh er son dy bragh. As cheayll e ostyllyn eh.

Yn Vible Casherick 1775 1819

¹⁴ As dreggyr Yeesey, as dooyrt eh rish, Nar ee dooinney erbee mess jeed’s veih shoh magh er son dy bragh. As cheayll e ostyllyn eh.

Noo Mark 11:14 ပူးပေါင်းရင်းမြစ်များ

Noo Mian 21:19

As tra honnick eh billey‐figgagh er y raad, haink eh huggey, as cha dooar eh monney er, agh ynrycan duillagyn, as dooyrt eh rish, Nar aase mess erbee ort’s veih shoh magh er son dy bragh. As chelleeragh ren y billey‐figgagh fioghey ersooyl.

Noo Mian 21:33

Eaisht‐jee rish coraa‐dorraghey elley: Va fer‐thie dy row ren garey‐feeyney y hoiaghey, as ren eh cleigh y yannoo mysh, as chleiy eh press‐feeyney ayn, as hrog eh toor, as hoie eh eh rish tannys, as hie eh gys cheer foddey.

Noo Mian 21:44

As quoi‐erbee huittys er y chlagh shen, bee eh er ny vroo: agh er quoi‐erbee huittys y chlagh shen, nee ee cha meen as joan jeh.

Noo Mian 3:10

As nish hene ta’n teigh er ny choyrt gys fraue ny miljyn: shen‐y‐fa ta dy chooilley villey nagh vel gymmyrkey magh mess mie, dy ve giarit sheese as tilgit ayns yn aile.

Noo Mian 7:19

Bee dy chooilley villey nagh vel gymmyrkey magh mess mie, giarit sheese, as ceaut ayns yn aile.

Noo Mark 11:13

As honnick eh billey‐figgagh er y raad, as duillagyn er, as haink eh, dy yeeaghyn voghe eh mess erbee er: as tra ve’h er jeet huggey, cha dooar eh nhee erbee er, agh duillagyn; son cha row imbagh ny figgyn ayn foast.

Noo Mark 11:15

As haink ad gys Jerusalem: as hie Yeesey stiagh ayns y chiamble, as ren eh toshiaght dy eiyrt magh adsyn va creck as kionnaghey ayns y chiamble, as hilg eh harrish ny buird ocsyn va caghlaa argid, as ny stuill ocsyn va creck calmaneyn;

Noo Ean 15:6

Mannagh vel dooinney tannaghtyn aynym’s, t’eh tilgit magh myr banglane, as t’eh fioghey: as t’ad dyn deiy as dyn dilgey ad ayns yn aile, as t’ad er nyn lostey.

2 Peddyr 2:20

Son lurg daue ve er haghney broïd y theihll trooid tushtey jeh’n Chiarn as Saualtagh Yeesey Creest, my t’ad reesht goit ’sy ribbey, as yn varriaght er ny gheddyn orroo; ta’n jerrey oc ny smessey na’n toshiaght.

Ashlish 22:11

Lhig dasyn ta neu‐chairagh, ve dy kinjagh neu‐chairagh: as lhig dasyn ta neu‐ghlen, ve kinjagh neu‐ghlen: as lhig dasyn ta cairagh, ve kinjagh cairagh: as lhig dasyn ta casherick, ve kinjagh casherick.