Noo Mark 10:52 - Yn Conaant Noa 1810

⁵² As dooyrt Yeesey rish, Immee royd; ta dty chredjue er dty laanaghey. As cheleeragh hooar eh e hoilshey, as jimmee eh marish Yeesey er y raad.

Yn Vible Casherick 1775 1819

⁵² As dooyrt Yeesey rish, Immee royd; ta dty chredjue er dty laanaghey. As chelleeragh hooar eh e hoilshey, as jimmee eh marish Yeesey er y raad.

Noo Mark 10:52 ပူးပေါင်းရင်းမြစ်များ

Noo Mian 11:5

Ta ny doail geddyn nyn soilshey, as ny croobee shooyll, ny louraanee er nyn ghlenney, ny beuyr clashtyn, ny merriu er nyn mioghey, as yn sushtal er ny phreacheil da ny boghtyn.

Noo Mian 12:22

Eisht hug ad lhieu huggey dooinney seagnit lesh drogh‐spyrryd, doal as balloo: as ren eh eh y lheihys, myr shen dy ren eshyn va doal as balloo chammah loayrt as fakin.

Noo Mian 15:28

Er shen dansoor Yeesey, as dooyrt eh r’ee, O ven, s’mooar ta dty chredjue: yn aghin t’ou dy yeearree dy row ayd. As va’n inneen eck er ny lheihys veih’n oor cheddin.

Noo Mian 21:14

As haink ny doail as ny croobee huggey gys y chiamble, as ren eh ad y lheihys.

Noo Mian 8:3

As heeyn Yeesey magh e laue, as venn eh rish, gra, My aigney’s eh, bee er dty ghlenney. As chelleeragh va’n louraanys echey er ny ghlenney.

Noo Mian 9:22

Agh hyndaa Yeesey mygeayrt, as tra honnick eh ee, dooyrt eh, Inneen, bee dy yien mie; ta dty chredjue er dty laanaghey. As va’n ven er ny lheihys veih yn oor shen magh.)

Noo Mark 1:31

As haink eh as ghow eh ee er y laue, as hrog eh seose ee; as chelleeragh daag y chiassaghey ee, as ren ee shirveish orroo.

Noo Mark 5:34

As dooyrt eh r’ee, Inneen, ta dty chredjue er dty laanaghey; immee ayns shee, as bee slane jeh dty ghoghan).

Noo Mark 8:25

Ny lurg shen, hug eh e laueyn reesht er e hooillyn, as hug eh er jeeaghyn seose: as hooar eh e hoilshey, as honnick eh dy chooilley ghooinney dy cronnal.

Noo Luke 7:50

As dooyrt eh rish y ven, Ta dty chredjue er dty hauail; immee ayns shee.

Noo Luke 9:48

As dooyrt eh roo, Quoi‐erbee nee soiaghey jeh’n lhiannoo shoh ayns m’ennym’s, t’eh jannoo soiaghey jeem’s: as quoi‐erbee nee soiaghey jeem’s, t’eh soiaghey jehsyn t’er my choyrt: son eshyn sloo ta nyn mast’ eu ooilley, eshyn syrjey vees.

Noo Ean 9:32

Er‐dy hoshiaght y theihll cha row eh er ny chlashtyn dy doshil dooinney erbee sooillyn fer va er ny ruggey doal.

Noo Ean 9:39

As dooyrt Yeesey, Son briwnys haink mish gys y theihll shoh: dy vod adsyn nagh vel fakin, fakin; as adsyn ta fakin, dy vod ad v’er nyn yannoo doal.

Jannoo 26:18

Dy osley nyn sooillyn, as dy hyndaa ad veih dorraghys gys soilshey, as veih pooar Noid‐ny‐hanmey gys Jee, dy vod ad leih peccaghyn y gheddyn, as eiraght nyn mast’ ocsyn t’er nyn gasherickey liorish y credjue ta aynym’s.