Noo Mark 10:21 - Yn Conaant Noa 1810

²¹ Eisht Yeesey, jeeaghyn dy ennoil er, dooyrt rish, Ta un red ort foast dy yannoo: immee royd, as creck ny t’ayd, as cur eh da ny boghtyn, as bee berchys ayd ayns niau; as tar, trog y chrosh, as eiyr orrym’s.

Yn Vible Casherick 1775 1819

²¹ Eisht Yeesey, jeeaghyn dy ennoil er, dooyrt rish, Ta un red ort foast dy yannoo: immee royd, as creck ny t’ayd, as cur eh da ny boghtyn, as bee berchys ayd ayns niau; as tar, trog y chrosh, as eiyr orrym’s.

Noo Mark 10:21 ပူးပေါင်းရင်းမြစ်များ

Noo Mian 16:24

Eisht dooyrt Yeesey rish e ostyllyn, My ta dooinney erbee aggindagh geiyrt orrym’s, lhig da eh hene y obbal, as e chrosh y hroggal, as geiyrt orrym.

Noo Mian 19:21

Dooyrt Yeesey rish, My sailt ve dy firrinagh mie, immee, as creck, as cur ny t’ayd da ny boghtyn, as bee berchys ayd ayns niau; as tar as eiyr orrym’s.

Noo Mark 10:22

As v’eh trimshagh ec y raa shen, as hie eh ersooyl: son va cummallyn mooarey echey.

Noo Mark 8:34

As tra v’eh er n’eamagh er y pobble huggey, marish e ostyllyn, dooyrt eh roo, Quoi‐erbee ta aggindagh‐geiyrt orrym’s, lhig da eh hene y obbal, as e chrosh y hroggal, as geiyrt orrym.

Noo Luke 10:42

Agh un red ta ymmyrchagh. As ta Moirrey er reih yn ayrn vie shen, nagh bee er ny ghoaill ersooyl vo’ee.

Noo Luke 12:33

Creck‐jee ny t’eu, as cur‐jee da ny boghtyn: kiare‐jee diu hene sporranyn nagh naase shenn, berchys ayns ny niaughyn nagh vel failleil, raad nagh vel y maarliagh cheet er‐gerrey, ny’n lhemeen cur mow.

Noo Luke 16:9

As ta mee gra riu, Jean‐jee diu hene caarjyn liorish yn mammon molteyragh; tra nee shiu failleil, dy vod ad shiu y ghoaill stiagh gys ny ynnydyn‐vaghee dy bragh farraghtyn.

Noo Luke 18:22

Nish tra cheayll Yeesey shoh, dooyrt eh rish, Ta foast ort un red y yannoo: creck as rheynn ooilley ny t’ayd er ny boghtyn, as bee berchys ayd ayns niau: as tar, as eiyr orrym’s.

Noo Luke 19:41

As tra v’eh er jeet er‐gerrey, yeeagh eh er yn ard‐valley, as cheayn eh harrish,

Noo Luke 9:23

As dooyrt eh roo ooilley, My ta dooinney erbee aggindagh geiyrt orrym’s, lhig da eh hene y obbal, as e chrosh y hroggal gagh laa, as geiyrt orrym.

Noo Ean 12:26

My nee dooinney erbee mish y hirveish, lhig da geiyrt orrym; as y raad ta mish, shen y raad myrgeddin vees my harvaant: my nee dooinney erbee mish y hirveish, dasyn ver my Ayr onnor.

Noo Ean 16:33

Ny reddyn shoh ta mee er loayrt riu, aynym’s dy vod shee y ve eu. Ayns y theihll vees seaghyn eu: agh bee‐jee dy yien mie, ta mish er gheddyn barriaght er y theihll.

Jannoo 2:45

As chreck ad nyn gummallyn as nyn gooid, as reynn ad er dy chooilley ghooinney rere nyn ymmyrch.

2 Corinthianee 12:15

As dy feer arryltagh nee’m baarail, as bee’m er my vaarail er nyn son eu; ga myr smoo dy mooar ta mish graihagh erriuish, sloo dy ghraih t’euish orrym.

2 Timothy 3:12

Dy jarroo, as shegin dauesyn ooilley ta shirrey dy veaghey dy crauee ayns Creest Yeesey, tranlaase y hurranse.

Hebrewnee 10:34

Son va chymmey eu orrym’s ayns my gheulaghyn, as ghow shiu dy arryltagh rish spooilley nyn gooid, toiggal ayndiu hene dy vel nyn gour cooid share as s’beayn ayns niau.

Jamys 2:10

Son quoi‐erbee nee freayll yn slane leigh, as ny yeih ta foiljagh ayns un phoint, t’eh kyndagh jeu ooilley.

Ashlish 2:14

Agh ta red ennagh aym dt’oï, er‐yn‐oyr dy vel ayd ayns shen adsyn ta lhiantyn gys coyrle Balaam, dynsee Balak dy hoiaghey ribbey roish cloan Israel, dy ee reddyn v’er ny ouralley gys jallooyn, as dy chur rish maarderys.

Ashlish 2:20

Ny‐yeih, ta reddyn ennagh aym dy choyrt dty lieh, er‐y‐fa dy vel uss lhiggey da’n ven shen Jezebel, ta goaill urree dy ve ny adeyr, dy ynsaghey as dy chleayney my harvaantyn dy chur rish maarderys, as dy ghoaill commee ayns ny reddyn t’er ny ouralley gys jallooyn.

Ashlish 2:4

Ny‐yeih ta red ennagh aym dt’oï, er‐yn‐oyr dy vel oo er hreigeil dty chied ghraih.