Noo Mark 10:2 - Yn Conaant Noa 1810

² As haink ny Phariseeyn huggey, as dênee ad jeh, er‐chee prowal eh, Vel eh lowal da dooinney scarrey rish e ven?

Yn Vible Casherick 1775 1819

² As haink ny Phariseeyn huggey, as dênee ad jeh, er-chee prowal eh, Vel eh lowal da dooinney scarrey rish e ven?

Noo Mark 10:2 ပူးပေါင်းရင်းမြစ်များ

Noo Mian 15:12

Eisht haink e ostyllyn huggey, as dooyrt ad rish, Vel fys ayd dy row ny Phariseeyn jymmoosagh, tra cheayll ad y raa shoh?

Noo Mian 16:1

As haink ny Phariseeyn as ny Sadduceeyn dy phrowal eh, as hir ad er eh dy yeeaghyn cowrey ennagh daue veih niau.

Noo Mian 19:3

Haink ny Phariseeyn huggey myrgeddin dy phrowal eh, as dooyrt ad rish, Vel eh lowal da dooinney e ven y chur ersooyl son dy chooilley oyr?

Noo Mian 22:35

As dênee fer jeu ard‐ynsit ’sy leigh, question jeh, dy phrowal eh, gra,

Noo Mian 23:13

Agh smerg diuish scrudeyryn as Phariseeyn, chrauee‐oalsey; son ta shiu dooney seose reeriaght niau noi deiney: cha vel shiu goll stiagh shiu hene, as ta shiu dyn lhiettal adsyn ta aggindagh er goll stiagh.

Noo Mian 9:34

Agh dooyrt ny Phariseeyn, Liorish yn ard ghrogh‐spyrryd t’eshyn castey drogh‐spyrrydyn.

Noo Mark 10:1

As hrog eh er veih shen, as haink eh gys ardjyn Yudea, trooid y cheer v’er cheu elley dy Yordan: as haink y pobble huggey reesht; as myr v’eh cliaghtey, dynsee eh ad reesht.

Noo Mark 10:3

As dreggyr eshyn as dooyrt eh roo, Cre’n sarey hug Moses diu?

Noo Mark 8:11

As haink ny Phariseeyn magh, as ren ad toshiaght dy ênaght questionyn jeh, as dy hirrey er cowrey veih niau, er‐chee dy phrowal eh.

Noo Mark 8:15

As hug eh currym orroo, gra, Bee‐jee er nyn arrey, cur‐jee twoaie jeh soorid ny Phariseeyn, as jeh soorid Herod.

Noo Luke 11:39

As dooyrt y Chiarn rish, Nish ta shiuish Phariseeyn glenney yn cappan as y claare er cheu‐mooie: agh ta’n cheu‐sthie eu lane dy hranlaase as dy olkys.

Noo Luke 16:14

As cheayll ny Phariseeyn myrgeddin va sayntoilagh, ooilley ny reddyn shoh: as ren ad gannidys er.

Noo Luke 5:30

Agh va ny scrudeyryn oc as ny Phariseeyn jymmoosagh rish e ynseydee, gra, Cre’n‐fa ta shiu gee as giu marish publicanee as peccee?

Noo Luke 6:7

As va sooill gheyre ec ny scrudeyryn as ny Phariseeyn er, dy yeeaghyn jinnagh eh eh y lheihys er laa yn doonaght: dy voddagh cooish chassid ’ve oc n’oï.

Noo Luke 7:30

Agh ren ny Phariseeyn as fir‐ynsee yn leigh soiaghey beg jeh coyrle Yee nyn ’oï oc hene, as cha row ad er nyn mashtey liorish.

Noo Ean 11:47

Eisht deïe ny ard‐saggyrtyn as ny Phariseeyn er y choonceil cooidjagh, as dooyrt ad, Cre ta shinyn dy yannoo? son ta’n dooinney shoh jannoo ymmodee mirrilyn.

Noo Ean 11:57

Nish va chammah ny ard‐saggyrtyn as ny Phariseeyn er chur sarey, my va fys ec dooinney erbee c’raad v’eh, dy row ad dy choyrt briaght er cour y ghoail eh.

Noo Ean 7:32

Cheayll ny Phariseeyn dy row yn pobble tallagh myr shoh my‐e‐chione: as hug ny Phariseeyn as ny ard‐saggyrtyn magh sidooryn dy ghoaill eh.

Noo Ean 7:48

Vel veg jeh ny fir‐reill, as jeh ny Phariseeyn er chredjal ayn?

Noo Ean 8:6

Shoh dooyrt ad dy phrowal eh, dy voddagh cooish chassid y ve oc n’oï. Agh chroym Yeesey sheese, as lesh e vair scrieu eh er y laare, myr nagh beagh eh dy nyn glashtyn.

1 Corinthianee 10:9

Chamoo lhig dooin Creest y vrasnaghey, myr ren paart jeusyn myrgeddin brasnaghey, as v’ad er nyn stroie liorish ard‐nieughyn.