Noo Mark 1:39 - Yn Conaant Noa 1810

³⁹ As ren eh preacheil ayns ny synagogueyn oc trooid ooilley Galilee, as chast eh drogh‐spyrrydyn.

Yn Vible Casherick 1775 1819

³⁹ As ren eh preacheil ayns ny synagogueyn oc trooid ooilley Galilee, as chast eh drogh-spyrrydyn.

Noo Mark 1:39 ပူးပေါင်းရင်းမြစ်များ

Noo Mian 4:23

As hie Yeesey mygeayrt ooilley Galilee, gynsaghey ayns nyn gialteenyn, as preacheil sushtal y reeriaght, as lheihys dy chooilley hingys, as dy chooilley ghoghan mastey’n pobble.

Noo Mian 9:35

As hie Yeesey mygeayrt ooilley ny ard‐valjyn as ny baljyn‐cheerey oc, gynsaghey ayns ny kialteenyn oc, as preacheil sushtal yn reeriaght, as lheihys dy chooilley hingys, as dy chooilley ghoghan mastey’n pobble.

Noo Mark 1:21

As hie ad stiagh ayns Capernaum, as chelleeragh er laa yn doonaght, hie eh stiagh ayns y synagogue, as dynsee eh.

Noo Mark 1:23

As va ayns y synagogue oc dooinney lesh spyrryd neu‐ghlen, as dyllee eh,

Noo Mark 1:38

As dooyrt eh roo, Lhig dooin goll gys ny baljyn sniessey dooin, dy voddym preacheil ayndoo shen myrgeddin: son er‐yn‐oyr shen haink mee gys y theihll.

Noo Mark 3:1

As hie eh reesht stiagh ayns y synagogue, as va dooinney ayns shen lesh laue shyrgit.

Noo Mark 6:6

As ghow eh yindys jeh’n vee‐chredjue oc. As hie eh mygeayrt ny baljyn‐cheerey oc gynsaghey.

Noo Mark 7:30

As tra v’ee er jeet thie, hooar ee e hinneen ny lhie er y lhiabbee, as y drogh‐spyrryd er gholl ass‐jee.

Noo Luke 4:41

As haink drogh‐spyrrydyn myrgeddin magh ass ymmodee, gyllagh as gra, Oo yn Creest Mac Yee. As hug eh oghsan daue, as cha lhig eh daue loayrt; son va fys oc dy nee eh va’n Creest.