Noo Mark 1:32 - Yn Conaant Noa 1810

³² As ayns yn astyr mysh lhïe ny greïney, hug ad lhieu huggey dy chooilley unnane va doghanit, as adsyn va drogh‐spyrrydyn ayndoo.

Yn Vible Casherick 1775 1819

³² As ayns yn astyr mysh lhie ny greïney, hug ad lhieu huggey dy chooilley unnane va doghanit, as adsyn va drogh-spyrrydyn ayndoo.

Noo Mark 1:32 ပူးပေါင်းရင်းမြစ်များ

Noo Mian 4:24

As hie goo jeh magh trooid ooilley Syria: as hug ad lhieu huggey ooilley ny aslayntee, fo doghanyn as pianyn, adsyn va seaghnit lesh drogh‐spyrrydyn, sleih ass nyn geeayl, as an‐lheiltee, as ren eh ad y lheihys.

Noo Mian 8:16

Tra va’n fastyr er jeet, hug ad lhieu huggey ymmodee va drogh‐spyrrydyn ayndoo: as deiyr eh magh ny spyrrydyn lesh fockle, as laanee eh ooilley ny va ching.

Noo Mian 8:17

Myr shoh va cooilleenit shen ny loayr Esaias y phadeyr, gra, Ghow eh hene er ny aslayntyn ainyn, as dymmyrk eh nyn ghoghanyn.

Noo Mark 1:21

As hie ad stiagh ayns Capernaum, as chelleeragh er laa yn doonaght, hie eh stiagh ayns y synagogue, as dynsee eh.

Noo Mark 1:31

As haink eh as ghow eh ee er y laue, as hrog eh seose ee; as chelleeragh daag y chiassaghey ee, as ren ee shirveish orroo.

Noo Mark 3:2

As va sooil oc er, dy yeeaghyn jinnagh eh eh y lheihys er laa yn doonaght, dy voddagh oyr y ve oc dy phlaiynt noi.

Noo Luke 4:40

Nish ec lhie ny greiney, whilleen as va sleih chingey oc fo mooarane doghanyn, hug ad lhieu ad huggey; as hug eh e laueyn er dy chooilley unnane oc, as ren eh ad y lheihys.

Noo Luke 4:41

As haink drogh‐spyrrydyn myrgeddin magh ass ymmodee, gyllagh as gra, Oo yn Creest Mac Yee. As hug eh oghsan daue, as cha lhig eh daue loayrt; son va fys oc dy nee eh va’n Creest.