Noo Luke 9:51 - Yn Conaant Noa 1810

⁵¹ As haink eh gy‐kione, myr va’n traa tayrn er‐gerrey dasyn dy ve goit seose, dy row eh dy shickyr kiarit er soiaghey e eddin dy gholl gys Jerusalem.

Yn Vible Casherick 1775 1819

⁵¹ As haink eh gy-kione, myr va’n traa tayrn er-gerrey dasyn dy ve goit seose, dy row eh dy shickyr kiarit er soiaghey e eddin dy gholl gys Jerusalem.

Noo Luke 9:51 ပူးပေါင်းရင်းမြစ်များ

Noo Mark 16:19

Myr shen erreish da’n Chiarn v’er loyart roo, v’eh er ny ghoaill seose gys niau, as hoie eh er laue yesh Yee.

Noo Luke 12:50

Agh ta bashtey ayms dy ve er my vashtey lesh, as kys ta mee êginit, derrey vees eh er ny chooilleeney?

Noo Luke 13:22

As hie eh magh trooid ny ard‐valjyn as ny baljyn‐cheerey, gynsaghey as goll er e hoshiaght gys Jerusalem.

Noo Luke 17:11

As haink eh gy‐kione, myr v’eh er e yurnah gys Jerusalem, dy jimmee eh trooid mean Samaria as Galilee.

Noo Luke 18:31

Eisht ghow eh huggey yn daa ostyl yeig, as dooyrt eh roo, Cur‐my‐ner ta shin goll seose gys Jerusalem, as bee dy chooilley nhee ta scruit liorish ny phadeyryn, mychione yn Mac dooinney, er ny chooilleeney.

Noo Luke 19:11

As erreish daue shoh y chlashtyn, hie eh ny sodjey er e hoshiaght, as loayr eh coraa‐dorraghey, er‐y‐fa dy row eh er‐gerrey da Jerusalem, as liorish dy row ad smooinaghtyn dy beagh reeriaght Yee dy gerrit er ny hoilshaghey:

Noo Luke 19:28

As tra ve’h er ghra shoh, hie eh rhymboo, myr v’ad goll seose gys Jerusalem.

Noo Luke 24:51

As haink eh gy‐kione, choud as v’eh dy vannaghey ad, dy row eh er ny s’carrey voue, as er ny hroggal seose gys niau.

Noo Luke 9:57

As haink eh gy‐kione, myr v’ad goll er y raad, dy dooyrt dooinney dy row rish, Hiarn, eiyr‐yms ort raad erbee dy jed oo.

Noo Ean 13:1

Nish, roish feailley ny Caisht, as fys ec Yeesey, dy row yn oor echey er jeet, tra v’eh dy gholl ass y theihll shoh gys yn Ayr, myr v’eh graihagh er e vooinjer hene, va ayns y theihll, hug eh graih daue gys y jerrey.

Noo Ean 16:28

Haink mee magh veih’n Ayr, as ta mee er jeet gys y theihll: reesht, ta mee faagail y seihll, as goll roym gys yn Ayr.

Noo Ean 16:5

Agh nish ta mee goll roym huggeysyn t’er my choyrt, as cha vel fer j’iu fênaght j’eem c’raad t’ou goll?

Noo Ean 17:11

As nish cha vel mish dy ve ny sodjey ayns y theihll, agh t’ad shoh ayns y theihll, as ta mish cheet hood’s. Ayr chasherick, freill trooid dty ennym hene adsyn t’ou er chur dou, dy vod adsyn ve unnane, myr ta shinyn unnane.

Noo Ean 6:62

Cre my hee shiu Mac y dooinney goll seose raad v’eh roïe?

Jannoo 1:2

Derrey’n laa v’eh er ny ghoaill seose, erreish da, trooid y Spyrryd Noo, v’er chur dagh nhee ayns currym da ny ostyllyn v’eh er reih.

Jannoo 1:9

As tra v’eh er loayrt ny goan shoh, v’eh er ny hroggal seose voue, choud as v’ad cur‐my‐ner, as ghow bodjal eh ass nyn shilley.

Ephesianee 1:20

Ren eh gobbraghey ayns Creest, tra hrog eh eh veih ny merriu, as hoie eh eh ec e laue yesh hene ayns ny ynnydyn flaunyssagh.

Philippianee 3:14

Ta mee chionney gys y vark, son leagh yn eam hug Jee dou veih’n yrjid ayns Creest Yeesey.

1 Timothy 3:16

As son shickyrys, s’mooar ta’n folliaght dy chraueeaght: va Jee er ny hoilshaghey ’syn eill, er ny heyrey liorish y spyrryd, er ny akin liorish ainleyn, er ny phreacheil gys ny Ashoonee, er ny chredjal ayn ’sy theihll, er ny ghoaill seose ayns gloyr.

Hebrewnee 12:2

Jeeaghyn gys Yeesey toshiaght as bun nyn gredjue; ren, son yn eunys va soit kiongoyrt rish, surranse y chrosh, soiaghey beg jeh’n nearey, as t’eh er hoie sheese er laue yesh stoyl‐reeoil Yee.

Hebrewnee 6:20

Raad ta’n chiaghter hie roïn er n’gholl stiagh er nyn son, dy jarroo Yeesey, jeant ny ard‐saggyrt son dy bragh myr va Melchisedec.

1 Peddyr 3:22

Ta er gholl gys niau, as ta er laue yesh Yee, huggeysyn ta ainleyn as ard‐reillyn, as pooaraghyn er nyn injillaghey.