Noo Luke 9:12 - Yn Conaant Noa 1810

¹² As tra va’n laa faggys ceaut, haink yn daa ostyl yeig as dooyrt ad rish, Lhig y raad da’n pobble, dy vod ad goll roue gys ny baljyn as er y cheer mygeayrt, dy gheddyn aaght as beaghey: son ta shin ayns shoh ayns boayl faasagh.

Yn Vible Casherick 1775 1819

¹² As tra va’n laa faggys ceaut, haink yn daa ostyl yeig as dooyrt ad rish, Lhig y raad da’n pobble, dy vod ad goll roue gys ny baljyn as er y cheer mygeayrt, dy gheddyn aaght as beaghey: son ta shin ayns shoh ayns boayl faasagh.

Noo Luke 9:12 ပူးပေါင်းရင်းမြစ်များ

Noo Mian 14:13

Tra cheayll Yeesey jeh, ghow eh lhuingy’s, as jimmee eh veih shen gys ynnyd faasagh er‐lheh: as tra cheayll y pobble jeh, deiyr ad er ry nyn gosh ass ny ard‐valjyn.

Noo Mian 15:23

Agh cha dug eh fockle dy ansoor jee. As haink e ostyllyn, as ghuee ad er, gra, Lhig y raad j’ee, son t’ee gyllagh nyn yeï.

Noo Mian 15:32

Eisht deïe Yeesey er e ostyllyn, as dooyrt eh, Ta chymmey aym er y pobble, er‐yn‐oyr dy vel ad er ve mârim nish three laa, as cha vel monney beaghey oc dy ghoaill: as cha der‐ym ad ersooyl nyn drostey, er‐aggle dy gannooin‐ee ad er y raad.

Noo Luke 9:11

As tra hooar y pobble fys er, deiyr ad er: as hug eh oltaghey daue, as loayr eh roo jeh reeriaght Yee, as laanee eh adsyn va feme slaanaghey.

Noo Luke 9:13

Agh dooyrt eh roo, Cur‐jee shiuish bee daue. As dooyrt ad, Cha vel ain agh queig bwilleenyn as daa eeast; mannagh jem mayd dy chionnaghey bee son ooilley yn pobble shoh.

Noo Ean 6:1

Ny lurg shoh hie Yeesey harrish faarkey Ghalilee, ny Tiberias.

Philippianee 1:19

Son ta fys aym dy jean shoh chyndaa gys my livrey‐ys trooid y phadjer euish, as cooney Spyrryd Yeesey Creest,