Noo Luke 9:11 - Yn Conaant Noa 1810

¹¹ As tra hooar y pobble fys er, deiyr ad er: as hug eh oltaghey daue, as loayr eh roo jeh reeriaght Yee, as laanee eh adsyn va feme slaanaghey.

Yn Vible Casherick 1775 1819

¹¹ As tra hooar y pobble fys er, deiyr ad er: as hug eh oltaghey daue, as loayr eh roo jeh reeriaght Yee, as laanee eh adsyn va feme slaanaghey.

Noo Luke 9:11 ပူးပေါင်းရင်းမြစ်များ

Noo Mian 12:15

Agh tra va fys ec Yeesey er, jimmee eh veih shen: as deiyr earrooyn mooarey dy leih er, as ren eh ad ooilley y lheihys.

Noo Mian 14:14

As hie Yeesey magh, as honnick eh chaglym mooar dy leih, as v’eh er veiyghey lesh chymmey orroo, as laanee eh adsyn va ching.

Noo Mian 21:31

Quoi jeu shoh ny‐neesht ren aigney e ayrey? Dooyrt adsyn rish, Yn mac shinney. Dooyrt Yeesey roo, Dy firrinagh ta mee gra riu, dy jed ny publicanee as ny drogh‐vraane stiagh ayns reeriaght Yee reue‐ish.

Noo Mian 21:43

Shen‐y‐fa ta mish gra riu, Dy bee reeriaght Yee er ny ghoaill veue‐ish, as er ny choyrt da ashoon ymmyrkys magh yn mess echey.

Noo Luke 1:53

T’eh er lhieeney ny accrys‐see lesh reddyn mie, as ny berchee t’eh er chur follym ersooyl.

Noo Luke 5:31

As dreggyr Yeesey as dooyrt eh roo, Cha vel feme ocsyn ta slane er yn er‐lhee: agh ec sleih chingey.

Noo Luke 8:1

As haink eh gy‐kione ny lurg shen, dy jagh eh trooid dy chooilley valley, mooar as beg, preacheil as soilshaghey sushtal gerjoilagh reeriaght Yee: as va’n daa ostyl yeig mârish:

Noo Luke 8:10

As dooyrt eh, Diuish te er ny choyrt dy hoiggal folliaghtyn reeriaght Yee; agh da feallagh elley ayns coraaghyn‐dorraghey: ga t’ad fakin cha vel ad cur‐my‐ner, as clashtyn cha vel ad toiggal.

Noo Luke 9:10

As tra va ny ostyllyn er jeet reesht, dinsh ad da [Yeesey] ooilley ny v’ad er n’yannoo. As ghow eh ad, as hie eh dy lhiattee gys boayl er‐lheh ayns yn aasagh, bentyn gys ard‐valley enmyssit Bethsaida.

Noo Luke 9:12

As tra va’n laa faggys ceaut, haink yn daa ostyl yeig as dooyrt ad rish, Lhig y raad da’n pobble, dy vod ad goll roue gys ny baljyn as er y cheer mygeayrt, dy gheddyn aaght as beaghey: son ta shin ayns shoh ayns boayl faasagh.

Noo Luke 9:2

As hug eh ad magh dy phreacheil reeriaght Yee, as dy laanaghey sleih chingey.

Noo Ean 4:34

Dooyrt Yeesey roo, Yn beaghey aym’s eh, dy yannoo yn aigney echeysyn t’er my choyrt, as dy chooilleeney yn obbyr echey.

Noo Ean 6:37

Hig adsyn ooilley hym’s ta’n Ayr dy chur dou; as eshyn ta cheet hym, cha jeanym er aght erbee y yiooldey voym.

Jannoo 28:31

Preacheil daue reeriaght Yee as gynsaghey ny reddyn va bentyn rish y Chiarn Yeesey Creest lesh slane dunnallys, as gyn lhiettal erbee.

Romanee 10:14

Kys eisht nee ad geamagh ersyn, nagh vel ad er chredjal ayn? As kys nee ad credjal aynsyn, nagh vel ad er chlashtyn jeh? As kys nee ad clashtyn fegooish preachoor?

Romanee 10:17

Myr shen eisht, ta credjue cheet liorish clashtyn, as clashtyn liorish goo Yee.

Romanee 15:3

Son dy jarroo cha ren Creest eh hene y wooiys; agh myr te scruit, Ta ny oltooanyn ocsyn ren dty oltooaney, er duittym orrym’s.

2 Timothy 4:2

Jean y goo y phreacheil, coyrlee dy jeean ec dy chooilley hraa as caa; cur oghsan, smaghtee, jean coyrlaghey lesh dy chooilley veenid as ynsagh.

Hebrewnee 4:16

Lhig dooin er‐y‐fa shen cheet lesh dunnallys gys stoyl‐reeoil e ghrayse; dy vod mayd myghin y chosney, as grayse y gheddyn dy chooney lhien ayns traa feme.