Noo Luke 8:8 - Yn Conaant Noa 1810

⁸ As huitt cooid elley jeh ayns thalloo mie, as daase eh seose, as dymmyrk eh mess keead‐filley. As tra v’eh er ghra shoh, deïe eh, Eshyn ta cleayshyn echey dy chlashtyn, lhig da clashtyn.

Yn Vible Casherick 1775 1819

⁸ As huitt cooid elley jeh ayns thalloo mie, as daase eh seose, as dymmyrk eh mess keead-filley. As tra v’eh er ghra shoh, deïe eh, Eshyn ta cleayshyn echey dy chlashtyn, lhig da clashtyn.

Noo Luke 8:8 ပူးပေါင်းရင်းမြစ်များ

Noo Mian 11:15

Eshyn ta cleayshyn echey dy chlashtyn, lhig da clashtyn.

Noo Mian 13:23

Agh eshyn ghow yn rass ayns thalloo mie, shen eh ta clashtyn y goo as dy hoiggal eh, as t’eh tilgey mess, as gymmyrkey, paart keead‐filley, paart three‐feed, as paart jeih fillaghyn as feed.

Noo Mark 4:20

As ad shoh yn vooinjer ta cuirt ayns thalloo mie, lheid as ta clashtyn y goo, as ta dy ghoaill eh, as gymmyrkey magh mess, paart jeih fillaghyn as feed, paart three‐feed, as paart keead‐filley.

Noo Mark 4:23

My ta cleayshyn ec dooinney erbee dy chlashtyn lhig da clashtyn.

Noo Mark 4:8

Agh huitt cooid elley jeh ayns thalloo mie, as hugh eh magh mess ren gaase seose as bishaghey, as dymmyrk eh, paart jeih fillaghyn as feed, as paart three‐feed, as paart keead filley.

Noo Mark 7:16

My ta dooinney erbee as cleayshyn echey dy chlashtyn, lhig da clashtyn.

Noo Luke 14:35

Cha vel ymmyd ayn son y thalloo, ny foast son y torran; agh ta deiney dy cheau magh eh, Eshyn ta cleayshyn echey dy chlashtyn, lhig da clashtyn.

Noo Luke 8:15

Agh shen er y thalloo mie, yn vooinjer, ta lesh creeaghyn onneragh as mie, er chlashtyn yn goo, as ta dy reayll oc eh, as cur magh mess lesh meenid.

Noo Luke 8:7

As huitt paart mastey drineyn, as daase ny drineyn seose mârish, as phloogh ad eh.

Ephesianee 2:10

Son ta shin yn obbyr echeysyn, er nyn groo ayns Creest Yeesey gys obbraghyn mie, ta Jee er n’oardaghey ro‐laue dy jinnagh shin gimmeeaght ayndoo.

Colossianee 1:10

Dy vod shiuish gimmeeaght ayns aght cooie dy wooiys y Chiarn ayns dy chooilley nhee, messoil ayns dagh obbyr vie, as bishaghey ayns tushtey Yee;

Ashlish 13:9

My ta cleaysh ec dooinney erbee, lhig da clashtyn.

Ashlish 2:11

Eshyn ta cleaysh echey, lhig eh clashtyn cre ta’n Spyrryd dy ghra rish ny kialteenyn, Cha vow eshyn ta geddyn y varriaght, aggair liorish yn nah vaase.

Ashlish 2:7

Eshyn ta cleaysh echey, lhig da clashtyn cre ta’n Spyrryd dy ghra rish ny kialteenyn. Dasyn yiow yn varriaght ver‐ym’s dy ee jeh billey yn vea, ta ayns mean paradise Yee.

Ashlish 3:13

Eshyn ta cleaysh echey, lhig eh clashtyn ny ta’n Spyrryd dy ghra rish ny kialteenyn.

Ashlish 3:6

Eshyn ta cleaysh echey, lhig eh clashtyn ny ta’n Spyrryd dy ghra rish ny kialteenyn.