Noo Luke 8:54 - Yn Conaant Noa 1810

⁵⁴ As hug eh ad ooilley magh, as ghow eh ee er laue, as deïe eh, gra, Ven‐aeg, irree seose.

Yn Vible Casherick 1775 1819

⁵⁴ As hug eh ad ooilley magh, as ghow eh ee er laue, as deïe eh, gra, Ven-aeg, irree seose.

Noo Luke 8:54 ပူးပေါင်းရင်းမြစ်များ

Noo Mian 9:25

As tra va’n sleih er skeayley, hie eh stiagh, as ghow eh ee er laue, as dirree yn ven‐aeg.

Noo Mark 1:31

As haink eh as ghow eh ee er y laue, as hrog eh seose ee; as chelleeragh daag y chiassaghey ee, as ren ee shirveish orroo.

Noo Mark 8:23

As ghow eh yn dooinney doal er laue, as leeid eh eh magh ass y valley; as tra ve’h er chur shelley er e hooillyn as er chur e laueyn er, dênee eh jeh row eh fakin nhee erbee.

Noo Mark 9:27

Agh ghow Yeesey eh er laue, as hrog eh eh seose, as dirree eh.

Noo Luke 8:51

As tra v’eh er jeet stiagh ’sy thie, cha lhig eh da dooinney erbee goll stiagh mârish, agh Peddyr, as Jamys, as Ean, as ayr as moir y ven‐aeg.

Noo Luke 8:53

Agh s’beg hoie ad jeh e raa; as fys oc son shickyrys dy row ee marroo.

Noo Luke 8:55

As haink y spyrryd eck reesht, as dirree ee jeeragh: as doardee eh bee y chur jee.

Noo Ean 11:43

As tra v’eh er ghra shoh, deïe eh lesh ard‐choraa, Lazarus, tar magh.

Noo Ean 5:21

Son myr ta’n Ayr troggal seose, as cur bioys da ny merriu: eer myr shen ta’n Mac bioghey yn vooinjer saillish.

Jannoo 9:40

Agh hug Peddyr ad ooilley magh, as ghlioon eh sheese, as ghow eh padjer, as hyndaa eh gys y chorp, as dooyrt eh, Tabitha, irree seose. As doshil ee e sooillyn: as tra honnick ee Peddyr, hoie ee seose.

Romanee 4:17

(Myr te scruit, Ta mee er dty yannoo ayr ymmodee ashoonyn) cordail rishyn er ren eh credjal, dy jarroo Jee, ta bioghey ny merriu, as geamagh er ny reddyn shen nagh vel, myr dy beagh ad hannah ayn: