Noo Luke 8:35 - Yn Conaant Noa 1810

³⁵ Eisht hie ad magh dy yeeaghyn cre va jeant; as haink ad gys Yeesey, as hooar ad y dooinney, ass va ny drogh‐spyrrydyn er n’gholl, ny hoie ec cassyn Yeesey, as e eaddagh er, as v’eh dy mie ayns e cheeayl: as ghow ad aggle.

Yn Vible Casherick 1775 1819

³⁵ Eisht hie ad magh dy yeeaghyn cre va jeant; as haink ad gys Yeesey, as hooar ad y dooinney, ass va ny drogh-spyrrydyn er n’gholl, ny hoie ec cassyn Yeesey, as e eaddagh er, as v’eh dy mie ayns e cheeayl: as ghow ad aggle.

Noo Luke 8:35 ပူးပေါင်းရင်းမြစ်များ

Noo Mian 4:24

As hie goo jeh magh trooid ooilley Syria: as hug ad lhieu huggey ooilley ny aslayntee, fo doghanyn as pianyn, adsyn va seaghnit lesh drogh‐spyrrydyn, sleih ass nyn geeayl, as an‐lheiltee, as ren eh ad y lheihys.

Noo Mark 5:15

As haink ad gys Yeesey, as honnick ad eshyn va’n drogh‐spyrryd as y legion er ny ve ayn, ny hoie, as e eaddagh er, as dy mie ayns e cheeayl, as ghow ad aggle.

Noo Luke 10:39

As va shuyr eck enmyssit Moirrey, hoie myrgeddin ec cassyn Yeesey, clashtyn e ghoo.

Noo Luke 15:17

As tra v’eh er jeet huggey hene, dooyrt eh, Nagh nhimmey sharvaant failt t’ec my ayr ta nyn saie arran oc, as fooilliagh, as ta mish goll mow laccal beaghey!

Noo Luke 2:46

As haink eh gy‐kione, lurg three laa dy dooar ad eh ayns y chiamble, ny hoie mastey ny fir‐ynsee, chammah geaishtagh roo, as cur feyshtyn orroo,

Noo Luke 8:27

Agh tra v’eh er n’gholl er thalloo, haink ny whail ass yn ard‐valley, dooinney dy row va ry‐foddey seaghnit lesh drogh‐spyrrydyn, as cha roo eh ceau eaddagh, chamoo duirree eh ayns thie erbee, agh mastey ny hoaiaghyn.

Noo Luke 8:34

Tra honnick ny bochillyn cre va jeant, roie ad roue, as hie ad as dinsh ad eh ayns yn ard‐valley, as trooid y cheer.

Jannoo 22:3

Ta mish dy firrinagh my ghooinney ta my Hew, ruggyr ayns Tarsus, ard‐valley ayns Cilicia, agh va mee troggit ayns yn ard‐valley shoh, ec cassyn Ghamaliel, as ynsit lurg aght s’ynrick leigh nyn shenn‐ayryn, ayns graih jeean gys Jee, myr t’euish ooilley jiu.

1 Ean 3:8

Eshyn ta jannoo peccah, t’eh jeh’n drogh‐spyrryd; son ta’n drogh‐spyrryd kyndagh jeh peccah er‐dyn toshiaght. Son yn oyr shoh va Mac Yee er ny hoilshaghey, dy voddagh eh cur mow obbraghyn y drogh‐spyrryd.