Noo Luke 8:14 - Yn Conaant Noa 1810

¹⁴ As shen huitt mastey drineyn, yn vooinjer, tra t’ad er chlashtyn, ta goll magh as ta plooghit lesh kiarail as berchys, as eunyssyn y vea shoh, as cha vel ad gymmyrkey magh mess gys lhieeney vie.

Yn Vible Casherick 1775 1819

¹⁴ As shen huitt mastey drineyn, yn vooinjer, tra t’ad er chlashtyn, ta goll magh as ta plooghit lesh kiarail as berchys, as eunyssyn y vea shoh, as cha vel ad gymmyrkey magh mess gys lhieeney vie.

Noo Luke 8:14 ပူးပေါင်းရင်းမြစ်များ

Noo Mian 13:22

Eshyn myrgeddin ghow yn rass mastey ny drineyn, yn fer ta chlashtyn y goo: as ta kiarail y theihll shoh, as molteyrys berchys plooghey yn goo, as te cheet dy ve neu‐vessoil.

Noo Mark 4:19

As ta kiarail y theihll shoh, as molteyraght berchys, as saynt reddyn elley goll stiagh, as plooghey yn goo, as te cheet dy ve neu‐vessoil.

Noo Luke 16:13

Cha vod sharvaant erbee daa vainshter y hirveish: son eddyr ver eh feoh da’n derrey yeh as graih da’n jeh elley; er‐nonney cummee eh gys y derrey yeh, as soie‐ee eh beg jeh’n jeh elley. Cha vod shiu Jee as mammon y hirveish.

Noo Luke 21:34

As cur‐jee twoaie diu hene, er‐aggle ec traa erbee dy bee ny creeaghyn eu rouyr laadit lesh jooid as meshtyrys, as kiarailyn y vea shoh, as myr shoh yn laa shen dy heet erriu doaltattym.

Noo Luke 8:13

Adsyn er y chreg, yn vooinjer, tra t’ad er chlashtyn, ta goaill y goo dy arryltagh; as cha vel fraue oc shoh, son tammylt t’ad credjal, agh ayns earish miolagh ta nyn gredjue failleil.

Noo Luke 8:15

Agh shen er y thalloo mie, yn vooinjer, ta lesh creeaghyn onneragh as mie, er chlashtyn yn goo, as ta dy reayll oc eh, as cur magh mess lesh meenid.

Noo Luke 8:7

As huitt paart mastey drineyn, as daase ny drineyn seose mârish, as phloogh ad eh.

Noo Ean 15:6

Mannagh vel dooinney tannaghtyn aynym’s, t’eh tilgit magh myr banglane, as t’eh fioghey: as t’ad dyn deiy as dyn dilgey ad ayns yn aile, as t’ad er nyn lostey.

1 Timothy 6:17

Cur currym orroosyn ta berchagh ’sy theihll shoh, nagh bee ad ard‐aignagh, ny treishteil ayns berchys neu‐hickyr, agh ayns y Jee bio, ta cur dooin dy palchey dy chooilley nhee dy ghoaill soylley jeu:

2 Timothy 4:10

Son ta Demas er my hreigeil, er graih cosney seihlltagh, as er n’gholl ersooyl gys Thessalonica; Crescens gys Galatia; Titus gys Dalmatia.

Hebrewnee 6:1

Shen‐y‐fa faagail ny chied vanglaneyn jeh ynsagh Chreest, lhig dooin goll er nyn doshiaght gys slane creestiaght, cha nee soiaghey reesht yn undin dy arrys veih obbraghyn marroo, as jeh credjue gys Jee,