Noo Luke 8:12 - Yn Conaant Noa 1810

¹² Shen rish oirr y raad, yn vooinjer ta clashtyn: eisht ta’n drogh‐spyrryd cheet, as goaill ersooyl yn goo ass ny creeaghyn oc, er‐aggle dy jinnagh ad credjal, as dy beagh ad er nyn sauail.

Yn Vible Casherick 1775 1819

¹² Shen rish oirr y raad, yn vooinjer ta clashtyn: eisht ta’n drogh-spyrryd cheet, as goaill ersooyl yn goo ass ny creeaghyn oc, er-aggle dy jinnagh ad credjal, as dy beagh ad er nyn sauail.

Noo Luke 8:12 ပူးပေါင်းရင်းမြစ်များ

Noo Mian 13:19

Quoi‐erbee ta clashtyn goo yn reeriaght, as nagh vel dy hoiggal eh, ta’n drogh‐er cheet, as tayrtyn lesh shen ny va cuirt ayns e chree: shoh eh ghow yn rass rish oirr y raad.

Noo Mian 13:4

As myr v’eh cuirr, huitt paart jeh’n rass rish oirr y raad, as haink ny eeanlee, as d’ee ad seose eh.

Noo Mark 4:15

As ad shoh adsyn ta rish ooir y raad, ayn ta’n goo er ny chuirr, agh tra t’ad er chlashtyn, ta’n drogh‐spyrryd cheet jeeragh, as goaill ersooyl yn goo va cuirt ayns nyn greeaghyn.

Noo Luke 8:11

Nish shoh bun y choraa‐dorraghey: Yn rass goo Yee.

Noo Luke 8:13

Adsyn er y chreg, yn vooinjer, tra t’ad er chlashtyn, ta goaill y goo dy arryltagh; as cha vel fraue oc shoh, son tammylt t’ad credjal, agh ayns earish miolagh ta nyn gredjue failleil.

Noo Luke 8:5

Hie correyder magh dy chuir e rass: as myr v’eh cuir, huitt paart rish oirr y raad, as ve stampit sheese, as d’ee eeanlee yn aer eh.

Ashlish 12:9

As va’n dragon mooar er ny eiyrt magh, yn chenn ard‐nieu, enmyssit yn Jouyl as Satan, ta molley yn slane seihll; v’eh eiyrit magh gys y thalloo, as va e ainleyn tilgit magh mârish.