Noo Luke 8:1 - Yn Conaant Noa 1810

¹ As haink eh gy‐kione ny lurg shen, dy jagh eh trooid dy chooilley valley, mooar as beg, preacheil as soilshaghey sushtal gerjoilagh reeriaght Yee: as va’n daa ostyl yeig mârish:

Yn Vible Casherick 1775 1819

¹ As haink eh gy-kione ny lurg shen, dy jagh eh trooid dy chooilley valley, mooar as beg, preacheil as soilshaghey sushtal gerjoilagh reeriaght Yee: as va’n daa ostyl yeig mârish:

Noo Luke 8:1 ပူးပေါင်းရင်းမြစ်များ

Noo Mian 11:1

As haink eh gy‐kione, erreish da Yeesey v’er choyrt ny curmyn shoh da e ghaa ostyl jeig, dy jagh eh veih shen dy ynsaghey as dy phreacheil ayns ny ard valjyn mygeayrt.

Noo Mian 13:19

Quoi‐erbee ta clashtyn goo yn reeriaght, as nagh vel dy hoiggal eh, ta’n drogh‐er cheet, as tayrtyn lesh shen ny va cuirt ayns e chree: shoh eh ghow yn rass rish oirr y raad.

Noo Mian 4:23

As hie Yeesey mygeayrt ooilley Galilee, gynsaghey ayns nyn gialteenyn, as preacheil sushtal y reeriaght, as lheihys dy chooilley hingys, as dy chooilley ghoghan mastey’n pobble.

Noo Mian 9:35

As hie Yeesey mygeayrt ooilley ny ard‐valjyn as ny baljyn‐cheerey oc, gynsaghey ayns ny kialteenyn oc, as preacheil sushtal yn reeriaght, as lheihys dy chooilley hingys, as dy chooilley ghoghan mastey’n pobble.

Noo Mark 1:39

As ren eh preacheil ayns ny synagogueyn oc trooid ooilley Galilee, as chast eh drogh‐spyrrydyn.

Noo Luke 1:80

As daase y lhiannoo, as v’eh er ny niartaghey ’sy spyrryd, as v’eh ayns ny faasaghyn derrey’n laa v’eh er ny hoilshagey da Israel.

Noo Luke 20:1

As haink eh gy‐kione er unnane jeh ny laghyn shen, myr v’eh gynsaghey yn pobble ayns y chiamble as preacheil y sushtal, dy ren ny ard‐saggyrtyn as ny scrudeyryn soiaghey er, marish y chanstyr,

Noo Luke 4:18

Ta spyrryd y Chiarn orrym’s, er‐y‐fa dy vel eh er my ooillaghey dy phreacheil y sushtal gys ny boghtyn, t’eh er my choyrt dy laanaghey yn vooinjer hrome‐chreeagh, dy phreacheil livrey‐ys gys ny cap‐peeyn, dy chur soilshey da ny doail, as reamys dauesyn ta broojit,

Noo Luke 9:6

As hie ad magh, as jimmee ad trooid ny baljyn, preacheil yn sushtal, as lheihys dy chooilley raad.

Jannoo 10:38

Kys dy ren Jee Yeesey dy Nazareth y ooillaghey lesh y Spyrryd Noo, as lesh pooar; eh hie mygeayrt jannoo mie; as slaanaghey ooilley adsyn va seaghnit liorish y drogh‐spyrryd: son va Jee mârish.

Jannoo 13:32

As ta shinyn fockley magh diu yn sushtal gherjoilagh; eer yn gialdyn va jeant da ny ayraghyn,

Romanee 10:15

As kys nee ad preacheil, mannagh vel ad er nyn goyrt? Myr te scruit, Cre cha aalin ta ny cassyn ocsyn ta preacheil y sushtal dy hee, as cur lhieu naightyn gennal dy nheeghyn mie!