Noo Luke 7:39 - Yn Conaant Noa 1810

³⁹ Nish yn Pharisee ren y chuirrey eh, tra honnick eh shoh, loayr eh cheu‐sthie jeh hene, gra, Veagh fys er ve ec y dooinney shoh, dy beagh eh ny adeyr, quoi, as cre’n monney dy ven ee shoh, ta bentyn rish: son t’ee ny ben pheccoil.

Yn Vible Casherick 1775 1819

³⁹ Nish yn Pharisee ren y chuirrey eh, tra honnick eh shoh, loayr eh cheu-sthie jeh hene, gra, Veagh fys er ve ec y dooinney shoh, dy beagh eh ny adeyr, quoi, as cre’n monney dy ven ee shoh, ta bentyn rish: son t’ee ny ben pheccoil.

Noo Luke 7:39 ပူးပေါင်းရင်းမြစ်များ

Noo Mian 20:16

Myr shen bee adsyn ta er‐jerrey hoshiaght, as adsyn ta hoshiaght er‐jerrey: son shimmey t’er nyn eam, agh s’tiark t’er nyn reih.

Noo Mian 21:11

Dooyrt y pobble, Shoh Yeesey yn phadeyr, ta veih Nazareth, ayns Galilee.

Noo Mark 7:21

Son veih cheu‐sthie, magh veih creeaghyn deiney, ta cheet drogh‐smooinaghtyn, brishey‐poosey, maarderys, dunverys,

Noo Luke 12:17

As smooinee eh rish hene, gra, Cre share dou jannoo, tra nagh vel boayl tashtee aym dy ghoaill my hroar?

Noo Luke 15:2

As ren ny Phariseeyn as ny scrudeyryn tallagh, gra, Ta’n dooinney shoh goaill rish peccee, as gee mâroo.

Noo Luke 16:3

Eisht dooyrt y stiurt rish hene, Cre nee’m? son ta my hiarn goaill y stiurtys voym: cha voddym reurey, as dy huill ny dhieyn ta nearey orrym.

Noo Luke 18:4

As son tammylt cha dug eh geill jee: agh ny lurg shen dooyrt eh rish hene, Ga nagh vel mee goaill aggle roish Jee, ny jannoo soiaghey jeh dooinney:

Noo Luke 3:8

Cur‐jee magh nish er‐y‐fa shen messyn cooie dy arrys, as ny jean‐jee toshiaght dy ghra riu hene, Ta Abraham ain son nyn ayr: son ta mee gra riu, dy vel pooar ec Jee eer jeh ny claghyn shoh cloan y hroggal seose da Abraham.

Noo Luke 7:16

As haink aggle orroo ooilley; as hug ad moylley da Jee, gra, Ta phadeyr mooar er n’irree seose ny mast’ ain; as, Ta Jee er yeeaghyn er e phobble.

Noo Luke 7:37

As cur‐my‐ner va ben ayns yn ard‐valley, va ny drogh‐yantagh, tra va fys eck dy row Yeesey ny hoie ec bee ayns thie yn Pharisee, hug ee lh’ee box alabaster dy ooil chostal.

Noo Luke 7:38

As hass ee ec e chassyn cheu e chooylloo keayney, as ren ee toshiaght dy niee e chassyn lesh jeïr, as rub ee ad lesh folt e king, as phaag ee e chassyn, as ren ee ad y ooillaghey lesh yn ooil.

Noo Luke 7:40

As dreggyr Yeesey, as dooyrt eh rish, Simon, ta red aym’s dy ghra rhyt, As dooyrt eh, Abbyr eh, vainshter.

Noo Ean 4:19

Dooyrt y ven rish, Vainshter, ta mee cur tastey dy nee phadeyr oo.

Noo Ean 7:12

As va lane argane mastey yn pobble mychione echey: son va paart gra, She dooinney mie eh: as feallagh elley gra, Cha nee; agh t’eh molley yn pobble.

Noo Ean 9:24

Eisht deïe ad reesht er y dooinney v’er ny ve doal, as dooyrt ad rish, Cur y moylley da Jee: ta fys ain dy nee drogh‐ghooinney eh shoh.