Noo Luke 7:24 - Yn Conaant Noa 1810

²⁴ As tra va chaghteryn Ean er n’immeeaght, ren eh toshiaght dy ghra rish y pobble mychione Ean, Cre hie shiu magh gys yn aasagh dy akin? Nee cuirtliagh criht lesh yn gheay?

Yn Vible Casherick 1775 1819

²⁴ As tra va chaghteryn Ean er n’immeeaght, ren eh toshiaght dy ghra rish y pobble mychione Ean, Cre hie shiu magh gys yn aasagh dy akin? Nee cuirtlagh criht lesh y gheay?

Noo Luke 7:24 ပူးပေါင်းရင်းမြစ်များ

Noo Luke 1:80

As daase y lhiannoo, as v’eh er ny niartaghey ’sy spyrryd, as v’eh ayns ny faasaghyn derrey’n laa v’eh er ny hoilshagey da Israel.

Noo Luke 3:2

Tra va Annas as Caiaphas nyn ard‐saggyrtyn, haink goo Yee gys Ean mac Zacharias ayns yn aasagh.

Noo Luke 7:23

As bannit ta eshyn nagh jean beg y hoiaghey jeem’s.

Noo Luke 7:25

Agh cre hie shiu magh dy akin? Dooinney soit magh ayns coamrey moyrnagh! Cur‐my‐ner t’adsyn ta ceau coamrey costal, as farrail dy seyr, ayns plaaseyn reeoil.

Noo Ean 1:23

Dooyrt eh, Mish coraa fer fockley‐magh ayns yn aasagh, Kiartee‐jee raad y Chiarn, myr dooyrt y phadeyr Esaias.

Ephesianee 4:14

Nagh bee mayd maghey shoh nyn gloan lheaystey noon as noal, as eiyrit mygeayrt lesh dy chooilley gheay dy ynsagh, liorish kialgyn deiney, as ny croutyn cliucagh, lhieu t’ad lhie cooyl‐chlea er‐chee dy volley:

2 Peddyr 2:17

T’ad shoh chibbraghyn fegooish ushtey, bodjallyn eebrit lesh doirrin, nyn gour ta’n chay dy ghorraghys freilt er son dy bragh.

2 Peddyr 3:17

Fakin er‐y‐fa shen, chaarjyn, dy vel fys eu er ny reddyn shoh ro‐laue, cur‐jee twoaie nagh jean shiuish myrgeddin, cleaynit lesh shaghrynys ny mee‐chrauee, tuittym ersooyl veih’n shickyrys eu ’sy chredjue.