Noo Luke 7:2 - Yn Conaant Noa 1810

² As va centurion dy row va fer‐mooinjerey echey, v’eh dy mooar soiaghey jeh, as v’eh ching, as raad y vaaish.

Yn Vible Casherick 1775 1819

² As va centurion dy row va fer-mooinjerey echey, v’eh dy mooar soiaghey jeh, as v’eh ching, as raad y vaaish.

Noo Luke 7:2 ပူးပေါင်းရင်းမြစ်များ

Noo Mian 27:54

Nish tra honnick yn captan, as adsyn va mârish freayll arrey er Yeesey, yn craa‐thallooin, as ny reddyn v’er jeet gy‐kione, ghow ad aggle mooar, gra, Dy firrinagh shoh va Mac Yee.

Noo Luke 23:47

Nish tra honnick y centurion cre va er jeet gy‐kione, hug eh moylley da Jee, gra, Ayns firrinys v’eh shoh ny ghooinney cairagh.

Noo Luke 7:1

Nish tra v’eh erreish ooilley ny goan shoh y loayrt ayns clashtyn y phobble, hie eh stiagh ayns Capernaum.

Noo Luke 7:3

As tra cheayll eh jeh Yeesey, hug eh shanstyr ny Hewnyn huggey, guee er eh dy heet dy laanaghey e er‐mooinjerey.

Noo Luke 8:42

Son va un ynrycan inneen echey, va mysh daa vleïn jeig dy eash, as v’ee raad y vaaish. (Agh myr v’eh goll, va’n pobble chionney er.

Jannoo 10:1

Va dooinney dy row ayns Cesarea, enmyssit Cornelius, va ny centurion er y cheshaght va enmyssit yn cheshaght Italian;

Jannoo 10:7

As tra v’an ainle loayr rish Cornelius er gholl roish, deïe eh er jees jeh ny fir‐vooinjerey echey as er sidoor crauee jeusyn va dy kinjagh mygeayrt‐y‐mysh:

Jannoo 22:26

Tra cheayll yn centurion shen, hie eh as dinsh eh eh da’n ard‐chaptan, gra, Cur twoaie cre t’ou dy yannoo; son ta’n dooinney shoh ny Romanagh.

Jannoo 23:17

Eisht deïe Paul er fer jeh ny centurionyn huggey, as dooyrt eh, Cur lhiat yn dooinney aeg shoh gys yn ard‐chaptan; son ta red ennagh echey dy insh da.

Jannoo 27:1

As tra ve kiarit dy row shin dy ghoaill lhuingys gys Italy, livrey ad Paul as shiartanse dy phryssoonee elley, gys fer va enmyssit Julius centurion v’ayns sheshaght‐chaggee Augustus.

Jannoo 27:3

As yn nah laa haink shin gys Sidon: as hoilshee Julius ard‐chenjallys da Paul, cur kied da goll mastey e chaarjyn dy ooraghey eh hene.

Jannoo 27:43

Agh yn centurion aggindagh Paul y hauail, lhiett eh ad veih shen y yannoo, as doardee eh adsyn oddagh snaue, ad dy hilgey ad hene hoshiaght ayns y cheayn, as ad dy chosney gys y thalloo:

Colossianee 3:22

Harvaantyn, bee‐jee biallagh ayns dy chooilley nhee da nyn mainshteryn seihltagh; cha nee lesh shirveish‐sooilley, myr dy wooiys deiney, agh ayns firrinys cree, goaill aggle roish Jee: