Noo Luke 7:13 - Yn Conaant Noa 1810

¹³ As tra honnick y Chiarn ee, va chymmey echey urree, as dooyrt eh r’ee, Ny jean keayney.

Yn Vible Casherick 1775 1819

¹³ As tra honnick y Chiarn ee, va chymmey echey urree, as dooyrt eh r’ee, Ny jean keayney.

Noo Luke 7:13 ပူးပေါင်းရင်းမြစ်များ

Noo Mark 8:2

Ta chymmey aym’s er y pobble, er‐yn‐oyr dy vel ad er ny ve mârym nish three laa, as nagh vel monney oc dy ee:

Noo Luke 10:1

Ny lurg shoh, doardee yn Chiarn three‐feed as jeih elley, as hug eh ad magh jees as jees roish hene, gys dy chooilley ard‐valley as ynnyd, raad v’eh hene ry‐hoi cheet.

Noo Luke 11:1

As haink eh gy‐kione, myr ve’h ec padjer ayns ynnyd dy row, tra daag eh jeh, dy dooyrt fer jeh e ostyllyn rish, Hiarn, ynsee dooinyn dy ghoaill padjer, myr dynsee Ean myrgeddin da ny ynseydee echesyn.

Noo Luke 11:39

As dooyrt y Chiarn rish, Nish ta shiuish Phariseeyn glenney yn cappan as y claare er cheu‐mooie: agh ta’n cheu‐sthie eu lane dy hranlaase as dy olkys.

Noo Luke 12:42

As dooyrt y Chiarn, Quoi eisht yn stiurt firrinagh as creeney shen nee e hiarn y yannoo ny er‐reill er lught e hie, dy hirveish orroo nyn meaghey ayns traa cooie?

Noo Luke 13:15

Eisht dreggyr y Chiarn eh, gra, Er‐crauee‐oalsey, nagh vel dagh fer jiuish er y doonaght feaysley e ghow ny e assyl veih’n staik, as dy chur lesh magh dy ushtaghey eh?

Noo Luke 17:5

As dooyrt ny ostyllyn rish y Chiarn, Bishee yn credjue ainyn.

Noo Luke 17:6

As dooyrt y Chiarn, Dy beagh credjue eu myr grine dy rass mustard, oddagh shiu gra rish y billey‐sycamine shoh, Bee er dty hayrn ass ny fraueyn, as bee er dty hoiaghey ayns y cheayn; as yinnagh eh biallys diu.

Noo Luke 18:6

As dooyrt y Chiarn, Clasht‐jee cre ta’n briw neu‐chairagh dy ghra.

Noo Luke 19:8

As hass Zaccheus magh, as dooyrt eh rish y Chiarn, Cur‐my‐ner, Hiarn, yn derrey lieh jeh my chooid ta mee dy choyrt da ny boghtyn: as my ta mee er ghoaill red erbee dy molteyragh veih dooinney erbee, ta mee jannoo lhiassaghey kiare‐filley da.

Noo Luke 22:61

As hyndaa yn Chiarn, as yeeagh eh er Peddyr; as chooinee Peddyr er yn ockle va’n Chiarn er ghra rish, Roish gerrym y chellee, nee uss mish y obbal three keayrtyn.

Noo Luke 24:3

As hie ad stiagh, as cha dooar ad corp y Chiarn Yeesey.

Noo Luke 24:34

Dooyrt roo, Ta’n Chiarn er n’irree son shickyrys, as v’eh er ny akin liorish Simon.

Noo Luke 7:12

Nish tra haink eh er‐gerrey da giat yn ard‐valley, cur‐my‐ner, va sleih cur lhieu magh dooinney marroo, va ny ynrycan vac da e voir, as v’eeish ny ben‐treoghe: as va ymmodee jeh sleih yn ard‐valley mâree.

Noo Luke 7:14

As haink eh, as venn eh rish y carbyd (as hass adsyn va fo) as dooyrt eh, Ghooinney aeg, ta mee gra rhyt, Irree.

Noo Luke 7:19

As deïe Ean er jees jeh e ynseydee, as hug eh ad er chaghteraght gys Yeesey, gra, Nee uss Eh va ry‐hoi cheet, ny vel shin dy yeeaghyn son fer elley?

Noo Luke 8:52

As v’ad ooilley keayney, as jannoo dobberan er e son: agh dooyrt eshyn, Ny jean‐jee keayney; cha vel ee marroo, agh ny cadley.

Noo Ean 11:2

(She yn Voirrey cheddin v’ayn, ish ren ooillaghey yn Chiarn, as rub ny cassyn echey lesh e folt, yn braar eck Lazarus va ching).

Noo Ean 11:3

Shen‐y‐fa hug ny shayraghyn echey fys huggey, gra, Hiarn, cur‐my‐ner, t’eshyn shynney lhiat ching.

Noo Ean 20:13

As dooyrt ad r’ee, Ven, cre’n‐fa t’ou keayney? Dooyrt ish roo, Er‐yn‐oyr dy vel ad er ghoaill ersooyl my Hiarn, as nagh s’aym c’raad t’ad er choyrt eh.

Noo Ean 20:15

Dooyrt Yeesey r’ee, Ven, cre’n‐fa t’ou keayney? quoi t’ou dy hirrey? Heill ish dy nee yn gareyder v’ayn, as dooyrt ee rish, Vainshter, my t’ou er chur lhiat ass shoh eh, insh dou c’raad t’ou er choyrt eh, as goym ersooyl eh.

Noo Ean 4:1

Tra va fys ec y Chiarn er‐y‐fa shen, kys va ny Phariseeyn er chlashtyn dy row Yeesey jannoo as bashtey ny sliee dy eiyrtyssee na va Ean.

Noo Ean 6:23

(Ny‐yeih va baatyn elley er jeet veih Tiberias, er‐gerrey da’n boayl ren ad arran y ee ayn erreish da’n Chiarn v’er chur booise)

1 Corinthianee 7:30

As adsyn ta dobberan, myr nagh beagh ad dobberan; as adsyn ta ayns boggey, myr nagh beagh ad ayns boggey; as adsyn ta kionnaghey, myr nagh beagh ad goaill soylley jeh.

1 Thessalonianee 4:13

Agh cha baillym shiu ve mee‐hushtagh, vraaraghyn, mychione ocsyn ta nyn gadley, nagh bee shiu trimshagh, dy jarroo myr feallagh elley ta fegooish treishteil.

Hebrewnee 2:17

Shen‐y‐fa ve cooie da er dy chooilley aght dy ve jeant casley rish e vraaraghyn; dy voddagh eh ve ny ard‐saggyrt myghinagh as firrinagh, ayns reddyn bentyn rish Jee, dy yannoo lhiassaghey son peccaghyn yn phobble:

Hebrewnee 4:15

Son cha vel ain ard‐saggyrt nagh vel ennaghtyn chymmoil echey jeh nyn annooinidyn; agh v’eh er dy chooilley aght er ny phrowal lesh seaghyn myr ta shin hene, foast fegooish peccah.