Noo Luke 7:12 - Yn Conaant Noa 1810

¹² Nish tra haink eh er‐gerrey da giat yn ard‐valley, cur‐my‐ner, va sleih cur lhieu magh dooinney marroo, va ny ynrycan vac da e voir, as v’eeish ny ben‐treoghe: as va ymmodee jeh sleih yn ard‐valley mâree.

Yn Vible Casherick 1775 1819

¹² Nish tra haink eh er-gerrey da giat yn ard-valley, cur-my-ner, va sleih cur lhieu magh dooinney marroo, va ny ynrycan mac da e voir, as v’eeish ny ben-treoghe: as va ymmodee jeh sleih yn ard-valley mâree.

Noo Luke 7:12 ပူးပေါင်းရင်းမြစ်များ

Noo Luke 7:11

As haink eh gy‐kione yn laa er‐giyn, dy jagh eh gys ard‐valley va enmyssit Nain; as hie ymmodee jeh e ynseydee mârish, as mooarane sleih.

Noo Luke 7:13

As tra honnick y Chiarn ee, va chymmey echey urree, as dooyrt eh r’ee, Ny jean keayney.

Noo Luke 8:42

Son va un ynrycan inneen echey, va mysh daa vleïn jeig dy eash, as v’ee raad y vaaish. (Agh myr v’eh goll, va’n pobble chionney er.

Noo Luke 8:52

As v’ad ooilley keayney, as jannoo dobberan er e son: agh dooyrt eshyn, Ny jean‐jee keayney; cha vel ee marroo, agh ny cadley.

Noo Ean 11:19

As va ymmodee jeh ny Hewnyn er jeet magh gys Martha as Moirrey, dy gherjaghey ad son nyn mraar.

Jannoo 9:39

Eisht hrog Peddyr er, as hie eh mâroo. Tra v’eh er jeet, hug ad lhieu eh seose ’syn ard‐shamyr: as hass ooilley ny mraane‐treoghe mygeayrt‐y‐mysh keayney, as jeeaghyn da ny cooatyn as ny garmadyn va Dorcas er n’yannoo, choud as v’ee er‐mayrn mâroo.

Jannoo 9:41

As ghow eh ee er y laue, as hrog eh seose ee: as tra v’eh er n’eamagh er ny nooghyn as ny mraane‐treoghe, ren eh soiaghey ee kiongoyrt roo bio.

Jamys 1:27

Craueeaght firrinagh as glen kiongoyrt rish Jee, dy jarroo yn Ayr, shoh eh, Dy ghoaill kiarail jeh cloan gyn ayr as mraane‐treoghe ayns nyn seaghyn, as dy reayll eh hene glen veih broïd y theihll.