Noo Luke 6:47 - Yn Conaant Noa 1810

⁴⁷ Quoi‐erbee ta cheet hym’s, as clashtyn my ghoan, as jannoo ymmyd mie jeu, jeeagh‐ym’s diu quoi rish t’eh er ny hoylaghey.

Yn Vible Casherick 1775 1819

⁴⁷ Quoi-erbee ta cheet hym’s, as clashtyn my ghoan, as jannoo ymmyd mie jeu, jeeagh-ym’s diu quoi rish t’eh er ny hoylaghey.

Noo Luke 6:47 ပူးပေါင်းရင်းမြစ်များ

Noo Mian 12:50

Son quoi‐erbee nee aigney my Ayrey t’ayns niau, eh shen my vraar, as my huyr as my voir.

Noo Mian 17:5

Choud as v’eh foast loayrt, ren bodjal sollys skeayley harrystoo: as cur‐my‐ner haink coraa ass y vodjal, gra, Shoh my vac ennoil, ayn ta mee goaill slane taitnys, eaisht‐jee rishyn.

Noo Luke 11:28

Agh dooyrt eshyn, Dy jarroo foddey s’bannee t’adsyn ta clashtyn goo Yee, as freayll eh.

Noo Luke 14:26

My hig dooinney erbee hym’s, as nagh vel graih sloo echey er e ayr as e voir, as e ven, as e chloan, as e vraaraghyn, as e hayraghyn, dy jarroo, as er e vioys hene [na orrym’s] cha vod eh dy firrinagh gynsaghey voym’s.

Noo Luke 6:48

T’eh er ny hoylaghey rish dooinney ren thie y hroggal, as chleiy dy dowin, as hoie yn undin er creg: as tra dhatt yn ushtey, vrish yn thooilley stiagh dy trome er y thie shen, agh cha yiarg eh er y chraa eh; er‐yn‐oyr dy row yn undin echey er creg.

Noo Luke 8:13

Adsyn er y chreg, yn vooinjer, tra t’ad er chlashtyn, ta goaill y goo dy arryltagh; as cha vel fraue oc shoh, son tammylt t’ad credjal, agh ayns earish miolagh ta nyn gredjue failleil.

Noo Luke 8:8

As huitt cooid elley jeh ayns thalloo mie, as daase eh seose, as dymmyrk eh mess keead‐filley. As tra v’eh er ghra shoh, deïe eh, Eshyn ta cleayshyn echey dy chlashtyn, lhig da clashtyn.

Noo Ean 10:27

Ta my chirree clashtyn my choraa, as ta enney aym orroo, as eiyree ad orrym.

Noo Ean 13:17

My ta fys eu er ny reddyn shoh, s’mayrnrey vees shiu my nee shiu ad y yannoo.

Noo Ean 14:15

My ta shiu graihagh orrym’s, freill‐jee my annaghyn.

Noo Ean 5:40

As cha vel shiu booiagh cheet hym’s, dy vod yn vea y ve eu.

Noo Ean 6:35

As dooyrt Yeesey roo, Mish arran y vea: eshyn ta cheet hym’s, cha bee eh dy bragh accryssagh; as eshyn ta credjal aynym; cha bee eh dy bragh paagh.

Noo Ean 6:37

Hig adsyn ooilley hym’s ta’n Ayr dy chur dou; as eshyn ta cheet hym, cha jeanym er aght erbee y yiooldey voym.

Noo Ean 8:52

Eisht dooyrt ny Hewnyn rish, Nish ta fys ain dy vel drogh‐spyrryd aynyd. Ta Abraham marroo as ny phadeyryn; as t’ou uss gra, My ta dooinney freayll my raa’s, cha jean eh blashtyn er y baase dy bragh beayn.

Hebrewnee 5:9

As myr shoh er ny chasherickey, haink eh dy ve bun y taualtys dy bragh farraghtyn dauesyn ooilley ta coyrt biallys da;

Jamys 4:17

Shen‐y‐fa eshyn ta fys echey dy yannoo mie, as nagh vel dy yannoo eh, dasyn te peccah.

1 Peddyr 2:4

Cheet huggeysyn, myr gys clagh bio, mee‐lowit dy jarroo liorish deiney, agh reiht liorish Jee, as deyr,

2 Peddyr 1:10

Shen‐y‐fa, vraaraghyn, bee‐jee ny s’kiaralee dy yannoo yn stayd huggey va shiu er nyn eam as er nyn reih, shickyr: son my nee shiu ny reddyn shoh, cha duitt shiu son dy bragh:

1 Ean 2:29

My ta fys eu dy vel eshyn cairagh, ta fys eu dy vel dy chooilley unnane ta cur rish cairys, er ny ruggey jehsyn.

1 Ean 3:7

Chloan veggey, ny lhig da dooinney erbee shin y volley: eshyn ta jannoo cairys, t’eh cairagh, dy jarroo myr t’eshyn cairagh.

Ashlish 22:14

Bannit t’adsyn ta cooilleeney e annaghyn, dy vod cairys ve oc gys billey yn vea, as dy vod ad goll stiagh er ny giattyn gys yn ard‐valley.