Noo Luke 6:35 - Yn Conaant Noa 1810

³⁵ Agh cur‐jee graih da nyn noidyn, as jean‐jee mie, as eeasee‐jee, fegooish jerkal rish veg y gheddyn reesht: as s’mooar vees nyn leagh! as bee shiu cloan yn Er‐syrjey: son t’eh dooie da’n vooinjer neu‐wooisal as ny mee‐chrauee.

Yn Vible Casherick 1775 1819

³⁵ Agh cur-jee graih da nyn noidyn, as jean-jee mie, as eeasee-jee, fegooish jerkal rish veg y gheddyn reesht: as s’mooar vees nyn leagh! as bee shiu cloan yn Er-syrjey: son t’eh dooie da’n vooinjer neu-wooisal as ny mee-chrauee.

Noo Luke 6:35 ပူးပေါင်းရင်းမြစ်များ

Noo Mian 5:9

Bannit t’adsyn ta tayrn sleih gys shee: son bee ad enmyssit nyn gloan dy Yee.

Noo Mark 5:7

Agh deïe eh lesh ard‐choraa, as dooyrt eh, Cre’n eïe t’ayd orrym, Yeesey Vac yn Jee smoo ard? ta mee guee ort, ayns ennym Yee gyn oo dy my horchaghey.

Noo Luke 1:32

Bee eshyn cronnal as enmyssit Mac yn Er‐syrjey; as ver y Chiarn Jee dasyn stoyl‐reeoil e ayr David.

Noo Luke 6:36

Bee‐jee er‐y‐fa shen myghinagh, myr ta’n Ayr eu myrgeddin myghinagh.

Noo Ean 13:35

Liorish shoh vees fys ec dy chooilley ghooinney dy vel shiu gynsaghey voym’s, my vees shiu graihagh yn derrey yeh er y jeh elley.

Noo Ean 15:8

Liorish shoh ta my Ayr er ny ghloyraghey, shiu dy chur magh lane mess, as shoh myr vees shiu ny ynseydee aym’s.

Jannoo 14:17

Ny‐yeih cha daag eh eh‐hene fegooish feanish, ayns dy ren eh mie, as dy dug eh dooin fliaghey veih niau, as imbaghyn messoil, lhieeney ny creeaghyn ain lesh beaghey as gennallys.

2 Corinthianee 8:9

Son shione diu grayse nyn Jiarn Yeesey Chreest, ga dy row eh berchagh, ny‐yeih er y ghraih euish ghow eh er dy ve boght, trooid y voghtynid echeysyn dy voddagh shiuish ve jeant berchagh.

2 Timothy 3:2

Son bee ooilley er nyn son oc hene, sayntoilee, boggyssee, mooaralee, oltooanee, mee‐viallagh gys ayraghyn as moiraghyn, neu‐wooisal, mee‐chrauee,