Noo Luke 6:21 - Yn Conaant Noa 1810

²¹ Bannit ta shiuish ta accryssagh nish: son bee shiu er nyn yannoo magh. Bannit ta shiuish ta nish dobberan: son nee shiu garaghtee.

Yn Vible Casherick 1775 1819

²¹ Bannit ta shiuish ta accryssagh nish: son bee shiu er nyn yannoo magh. Bannit ta shiuish ta nish dobberan: son nee shiu garaghtee.

Noo Luke 6:21 ပူးပေါင်းရင်းမြစ်များ

Noo Mian 5:4

Bannit t’adsyn ta dobberan: son bee ad er nyn gherjaghey.

Noo Mian 5:6

Bannit t’adsyn ta accryssagh as paagh lurg yn ynrickys: son bee ad er nyn yannoo magh.

Noo Luke 1:53

T’eh er lhieeney ny accrys‐see lesh reddyn mie, as ny berchee t’eh er chur follym ersooyl.

Noo Luke 6:20

As hrog eh seose e hooillyn er e eiyrtee, as dooyrt eh, Bannit ta shiuish voghtyn: son lhieuish reeriaght Yee.

Noo Luke 6:22

Bannit ta shiuish, tra ta deiney cur feoh diu, as tra nee ad nyn scarrey shiu voue, as nyn oltooaney shiu, as nyn ennym y ghiarey magh myr olk, er coontey Mac y dooinney.

Noo Luke 6:25

Smerg diuish ta lane: son bee shiu accryssagh. Smerg diuish ta garaghtee nish: son nec shiu dobberan as keayney.

Noo Ean 11:35

Ren Yeesey keayney.

Noo Ean 4:10

Dreggyr Yeesey, as dooyrt eh r’ee, Dy beagh fys ayd’s er gioot Yee, as quoi eh ta gra rhyt, Cur jough dou? veagh oo er hirrey ersyn, as veagh eh er chur dhyt ushtey bio.

Noo Ean 6:35

As dooyrt Yeesey roo, Mish arran y vea: eshyn ta cheet hym’s, cha bee eh dy bragh accryssagh; as eshyn ta credjal aynym; cha bee eh dy bragh paagh.

1 Corinthianee 4:11

Gys y traa shoh hene, ta shinyn chammah accryssagh as paagh, as ta shin feme coamrey, as er nyn mwoalley, as cha vel cummal shickyr ain ayns boayl erbee;

2 Corinthianee 11:27

Ayns skeeys as doccar, ayns ve er my arrey dy mennick, ayns accyrys as paa, ayns trostey dy mennick, ayns feayraght as rooishtid:

2 Corinthianee 12:10

Shen‐y‐fa ta mee goaill boggey ayns annooinid, ayns oltooanyn, ayns êgin, ayns tranlaase, ayns chennid er graih Chreest: son tra ta mee annoon, eisht ta mee lajer.

2 Corinthianee 6:10

Myr lane dy hrimshey, foast dy kinjagh gennal; myr boghtyn, foast jannoo ymmodee berchagh; myr nagh beagh ain nhee erbee, as foast dy chooilley nhee ain.

Jamys 1:12

S’maynrey yn dooinney ta gymmyrkey fo seaghyn; son tra vees eh er ny phrowal, yiow eh yn attey dy vea, ta’n Chiarn er ghialdyn dauesyn ta graihagh er.

Ashlish 21:3

As cheayll mee coraa mooar veih niau, gra, Cur‐my‐ner, ta cabbane‐agglish Yee marish deiney, as nee eh cummal mâroo, as bee ad e phobble, as bee Jee eh hene mâroo, as bee eh yn Jee oc.

Ashlish 7:16

Cha bee ad accryssagh arragh, chamoo vees ad arragh paagh, chamoo huittys niart ny greiney orroo, ny chiass loshtee erbee.