Noo Luke 5:33 - Yn Conaant Noa 1810

³³ As dooyrt ad roo, Cre’n‐fa ta ynseydee Ean trostey dy mennick, as jannoo padjeryn, as myrgeddin ynseydee yn Phariseeyn; agh ta’n vooinjer ayd’s gee as giu?

Yn Vible Casherick 1775 1819

³³ As dooyrt ad roo, Cre’n-fa ta ynseydee Ean trostey dy mennick, as jannoo padjeryn, as myrgeddin ynseydee ny Phariseeyn; agh ta’n vooinjer ayd’s gee as giu?

Noo Luke 5:33 ပူးပေါင်းရင်းမြစ်များ

Noo Mian 23:13

Agh smerg diuish scrudeyryn as Phariseeyn, chrauee‐oalsey; son ta shiu dooney seose reeriaght niau noi deiney: cha vel shiu goll stiagh shiu hene, as ta shiu dyn lhiettal adsyn ta aggindagh er goll stiagh.

Noo Mark 12:40

T’ad cur mow thieyn mraane‐treoghe, as son scaa dy chraueeaght lhiggey orroo dy ve mennick ec padjer: ta briwnys strimmey ny chour oc shoh.

Noo Luke 11:1

As haink eh gy‐kione, myr ve’h ec padjer ayns ynnyd dy row, tra daag eh jeh, dy dooyrt fer jeh e ostyllyn rish, Hiarn, ynsee dooinyn dy ghoaill padjer, myr dynsee Ean myrgeddin da ny ynseydee echesyn.

Noo Luke 18:12

Ta mee trostey daa cheayrt ’sy chiaghtin, ta mee cur jaghee jeh ooilley ny t’ayn’s my chummal.

Noo Luke 2:37

As v’ee ny ben‐treoghe mysh kiare‐feed as kiare bleeaney dy eash, as v’ee dy kinjagh taaghey yn chiamble, shirveish Jee lesh trostey as padjeryn oie as laa.

Noo Luke 20:47

T’ad cur‐mow thieyn mraane‐treoghe, as son scaa dy chraueeaght lhiggey orroo dy ve mennick ayns padjer: ta briwnys strimmey nyn gour oc shoh.

Noo Luke 5:32

Cha daink mish dy eamagh er yn vooinjer chairagh, agh er peccee gys arrys.

Noo Luke 5:34

As dooyrt eh roo, Bailliu mooinjer y chamyr‐phoosee dy hrostey, choud as ta dooinney yn phoosee mâroo?

Noo Ean 1:35

Yn nah laa reesht va Ean ny hassoo, as jees jeh e ynseydee:

Noo Ean 3:25

Eisht dirree question eddyr paart jeh ynseydee Ean as ny Hewnyn, mychione bashtey.

Jannoo 9:11

As dooyrt y Chiarn rish, Irree, as immee gys y traïd ta enmyssit y traïd Yeeragh, as jean briaght ayns thie Yudas, son fer ta enmyssit Saul jeh Tarsus: son cur‐my‐ner, t’eh ec padjer,