Noo Luke 5:29 - Yn Conaant Noa 1810

²⁹ As ren Levi aarlaghey mooar er e hon ayns e hie hene: as va sheshaght vooar dy phublicanee as dy eallagh elley nyn soie ec y voayrd maroo.

Yn Vible Casherick 1775 1819

²⁹ As ren Levi aarlaghey mooar er e hon ayns e hie hene: as va sheshaght vooar dy phublicanee as dy eallagh elley nyn soie ec y voayrd mâroo.

Noo Luke 5:29 ပူးပေါင်းရင်းမြစ်များ

Noo Mian 11:19

Haink Mac yn dooinney gee as giu, as t’ad gra, Cur‐my‐ner dooinney jollyssagh, as iuder‐feeyney, carrey dy phublicanee as dy pheccee: agh ta creenaght er ny heyrey liorish e cloan hene.

Noo Mian 5:46

Son my ta shiu graihagh orroosyn ta graihagh erriuish, cre’n leagh ta nyn gour? nagh vel eer ny publicanee jannoo yn lheid cheddin?

Noo Mian 9:10

As haink eh gy kione, myr va Yeesey ny hoie ec bee ayns y thie, cur‐my‐ner haink ymmodee, publicanee as peccee, as hoie ad sheese mârishyn as marish e ynseydee.

Noo Mian 9:9

As tra va Yeesey er n’gholl veih shen, honnick eh dooinney va enmyssit Mian, ny hoie ec boayrd y cheesh: as dooyrt eh rish, Eiyr orrym’s. As dirree eh seose, as deiyr eh er.

Noo Mark 2:15

As haink eh gy‐kione, my va Yeesey ny hoie ec bee ayns y thie echey, dy ren myrgeddin ymmodee publicanee as peccee soie sheese marish Yeesey as e heshaght: son va ymmodee er n’eiyrt er.

Noo Luke 15:1

Eisht haink er‐gerrey da ooilley ny publicanee as ny peccee dy eaishtagh rish.

Noo Ean 12:2

Ayns shen ren ad shibber er e hon, as va Martha shirveish orroo: agh va Lazarus fer jeusyn va nyn soie ec y voayrd mârish.

1 Corinthianee 10:27

My ta fer erbee jeusyn nagh vel jeh’n chredjue, cuirrey shiu gys gien, as shiuish aignagh dy gholl; cre‐erbee ta soit kiongoyrt riu, ee‐jee, fegooish jannoo briaght erbee er graih cooinsheanse.