Noo Luke 5:24 - Yn Conaant Noa 1810

²⁴ Agh dy vod fys y ve eu, dy vel pooar ec Mac y dooinney er y thalloo dy leih peccaghyn (dooyrt eh rishyn va ching jeh’n chingys craa‐ee (Ta mee gra rhyt, Irree, as trog seose dty lhiabbee, as gow royd gys dty hie.

Yn Vible Casherick 1775 1819

²⁴ Agh dy vod fys y ve eu, dy vel pooar ec Mac y dooinney er y thalloo dy leih peccaghyn (dooyrt eh rishyn va ching jeh’n chingys-craaee.) Ta mee gra rhyt, Irree, as trog seose dty lhiabbee, as gow royd gys dty hie.

Noo Luke 5:24 ပူးပေါင်းရင်းမြစ်များ

Noo Mian 16:13

Tra va Yeesey er jeet gys ardjyn Cesarea Philippi, dênee eh jeh e ostyllyn, gra, Cre ta deiney dy ghra my‐mychione’s Mac y dooinney, quoi mee hene?

Noo Mian 25:31

Tra hig Mac y dooinney ayns e ghloyr, as ooilley e ainleyn casherick mârish shen y traa hoie‐ys eh er stoyl‐reeoil e ghloyr.

Noo Mian 26:64

Dooyrt Yeesey rish, T’ou uss er ghra eh: ny‐yeih ta mish gra riu, Ny lurg shoh hee shiu Mac y dooinney ny hoie er laue‐yesh yn phooar, as cheet ayns bodjallyn yn aer.

Noo Mian 28:18

As haink Yeesey, as loayr eh roo, gra, Ta dy chooilley phooar er ny chur dou ayns niau as er y thalloo.

Noo Mian 4:24

As hie goo jeh magh trooid ooilley Syria: as hug ad lhieu huggey ooilley ny aslayntee, fo doghanyn as pianyn, adsyn va seaghnit lesh drogh‐spyrrydyn, sleih ass nyn geeayl, as an‐lheiltee, as ren eh ad y lheihys.

Noo Mian 9:6

Agh dy vod fys y ve eu, dy vel pooar ec Mac y dooinney er y thalloo dy leih peccaghyn: (eisht dooyrt eh rish y varter) Irree trog lhiat dty lhiabbee, as immee royd gys dty hie.

Noo Luke 5:13

As heeyn eh magh e laue, as venn eh rish, gra, M’aigney’s eh; bee er dty ghlenney. As chelleeragh daag y louraneys eh.

Noo Luke 5:18

As cur‐my‐ner, hug sleih lhieu ayns lhiabbee dooinney va ching jeh’n palsee: as v’ad shirrey y chur lhieu stiagh eh, dy hoiaghey eh kiongoyrt rish.

Noo Luke 5:23

Quoi sassey dy ghra, Ta dty pheccaghyn er nyn leih dhyt ny dy ghra, Irree seose as shooill?

Noo Luke 7:14

As haink eh, as venn eh rish y carbyd (as hass adsyn va fo) as dooyrt eh, Ghooinney aeg, ta mee gra rhyt, Irree.

Noo Luke 8:54

As hug eh ad ooilley magh, as ghow eh ee er laue, as deïe eh, gra, Ven‐aeg, irree seose.

Noo Ean 11:43

As tra v’eh er ghra shoh, deïe eh lesh ard‐choraa, Lazarus, tar magh.

Noo Ean 17:2

Myr t’ou er chur da pooar harrish ooilley sheelnaue, dy vod eh yn vea veayn y choyrt da whilleen as t’ou er chur da.

Noo Ean 3:13

As cha vel dooinney erbee er gholl seose gys niau, agh eshyn haink neose veih niau, eer yn Mac dooinney ta ayns niau.

Noo Ean 5:27

As t’eh er choyrt da pooar dy yannoo briwnys myrgeddin, er‐y‐fa dy nee Mac y dooinney eh.

Jannoo 14:10

Dooyrt eh lesh ard‐choraa, Shass seose dy jeeragh er dty chassyn. As lheim eh, as huill eh.

Jannoo 5:31

Eshyn ta Jee er droggal seose gys e laue yesh hene, dy ve ny Phrince as ny Haualtagh, dy chur arrys da Israel as leih peccaghyn.

Jannoo 9:34

As dooyrt Peddyr rish, Eneas, ta Yeesey Creest dy dty lheihys: irree, as jean dty lhiabbee. As dirree eh chelleeragh.

Jannoo 9:40

Agh hug Peddyr ad ooilley magh, as ghlioon eh sheese, as ghow eh padjer, as hyndaa eh gys y chorp, as dooyrt eh, Tabitha, irree seose. As doshil ee e sooillyn: as tra honnick ee Peddyr, hoie ee seose.

Ashlish 1:13

As ayns mean ny shiaght cainleyryn, fer goll‐rish yn Mac dooinney, coamrit lesh garmad sheese gys ny cassyn, as kianlt mysh e chleeau lesh cryss dy airh.