Noo Luke 5:21 - Yn Conaant Noa 1810

²¹ As ren ny scrudeyryn as ny Phariseeyn toshiaght dy phleadeil ry‐cheilley, gra, Quoi eh shoh ta loayrt goan mollaghtagh? Quoi oddys peccaghyn y leih, agh Jee ny lomarcan?

Yn Vible Casherick 1775 1819

²¹ As ren ny scrudeyryn as ny Phariseeyn toshiaght dy phleadeil ry-cheilley, gra, Quoi eh shoh ta loayrt goan mollaghtagh? Quoi oddys peccaghyn y leih, agh Jee ny-lomarcan?

Noo Luke 5:21 ပူးပေါင်းရင်းမြစ်များ

Noo Mian 26:65

Eisht raip yn ard‐saggyrt e choamrey, gra, T’eh er loayrt goan mollaghtagh, cre’n feme sodjey t’ain er feanishyn? cur‐my‐ner, nish ta shiu er chlashtyn e ghoan‐mollaghtagh.

Noo Mian 9:3

Er shoh, dooyrt shiartanse jeh ny scrudeyryn roo hene, T’eh shoh loayrt goan mollaghtagh.

Noo Luke 3:8

Cur‐jee magh nish er‐y‐fa shen messyn cooie dy arrys, as ny jean‐jee toshiaght dy ghra riu hene, Ta Abraham ain son nyn ayr: son ta mee gra riu, dy vel pooar ec Jee eer jeh ny claghyn shoh cloan y hroggal seose da Abraham.

Noo Luke 5:17

As haink eh gy‐kione laa dy row, myr v’eh gynsaghey, dy row Phariseeyn as fir‐ynsee yn leigh nyn soie liorish, v’er jeet magh ass ooilley baljyn Ghalilee, as Judea as Jerusalem: as va pooar y Chiarn feer vreeoil mârish ayns lheihys doghanyn.

Noo Luke 5:22

Agh va fys ec Yeesey er ny smooinaghtyn oc, as dreggyr eh, as dooyrt eh roo, Cre er ta shiu resooney ayns nyn greeaghyn?

Noo Luke 7:49

As ren y vooinjer va nyn soie ec bee mârish, toshiaght dy ghra cheu‐sthie jiu hene, Quoi eh shoh ta myrgeddin leih peccaghyn?

Noo Ean 10:33

Dreggyr ny Hewnyn eh, gra, Son obbyr vie cha vel shin dy dty chlaghey; agh son goan‐mollaghtagh, as er‐yn‐oyr dy vel uss, ta dty ghooinney, jannoo oo hene Jee.

Romanee 8:33

Quoi ver nhee erbee gys lieh cloan reiht Yee? she Jee ta seyrey: