Noo Luke 5:17 - Yn Conaant Noa 1810

¹⁷ As haink eh gy‐kione laa dy row, myr v’eh gynsaghey, dy row Phariseeyn as fir‐ynsee yn leigh nyn soie liorish, v’er jeet magh ass ooilley baljyn Ghalilee, as Judea as Jerusalem: as va pooar y Chiarn feer vreeoil mârish ayns lheihys doghanyn.

Yn Vible Casherick 1775 1819

¹⁷ As haink eh gy-kione laa dy row, myr v’eh gynsaghey, dy row Phariseeyn as fir-ynsee yn leigh nyn soie liorish, v’er jeet magh ass ooilley baljyn Ghalilee, as Judea as Jerusalem: as va pooar y Chiarn feer vreeoil mârish ayns lheihys doghanyn.

Noo Luke 5:17 ပူးပေါင်းရင်းမြစ်များ

Noo Mian 11:5

Ta ny doail geddyn nyn soilshey, as ny croobee shooyll, ny louraanee er nyn ghlenney, ny beuyr clashtyn, ny merriu er nyn mioghey, as yn sushtal er ny phreacheil da ny boghtyn.

Noo Mian 15:1

Eisht haink gys Yeesey scrudeyryn as Phariseeyn veih Jerusalem, gra.

Noo Mark 1:45

Agh hie eh roish, as ren eh toshiaght dy hoilshaghey magh as dy skeayley mygeayrt yn chooish, ayns wheesh as nagh dod Yeesey goll ny smoo dy foshlit gys yn ard‐valley, agh v’eh mooie ayns ynnydyn faasagh: as haink ad huggey veih dy chooilley ard.

Noo Mark 16:18

Nee ad loaghtey ard‐nieughyn, as my iu‐ys ad nhee erbee pushoonagh, cha jean eh skielley daue: ver ad nyn laueyn er sleih chingey, as nee ad coural.

Noo Mark 3:22

As dooyrt ny scrudeyryn haink neose veih Jerusalem, Ta Beelzebub echey, as liorish prince ny drogh‐spyrrydyn t’eh tilgey magh drogh‐spyrrydyn.

Noo Mark 5:30

As chelleeragh va fys ec Yeesey cheu‐sthie jeh hene, dy row bree er n’gholl ass, as hyndaa eh mygeayrt ayns y chennid, as dooyrt eh, Quoi venn rish my eaddagh.

Noo Mark 7:1

Eisht haink cooidjagh huggey ny Phariseeyn as shiartanse jeh ny scrudeyryn, haink veih Jerusalem.

Noo Luke 15:2

As ren ny Phariseeyn as ny scrudeyryn tallagh, gra, Ta’n dooinney shoh goaill rish peccee, as gee mâroo.

Noo Luke 2:46

As haink eh gy‐kione, lurg three laa dy dooar ad eh ayns y chiamble, ny hoie mastey ny fir‐ynsee, chammah geaishtagh roo, as cur feyshtyn orroo,

Noo Luke 5:21

As ren ny scrudeyryn as ny Phariseeyn toshiaght dy phleadeil ry‐cheilley, gra, Quoi eh shoh ta loayrt goan mollaghtagh? Quoi oddys peccaghyn y leih, agh Jee ny lomarcan?

Noo Luke 5:30

Agh va ny scrudeyryn oc as ny Phariseeyn jymmoosagh rish e ynseydee, gra, Cre’n‐fa ta shiu gee as giu marish publicanee as peccee?

Noo Luke 6:19

As va’n slane chaglym shirrey bentyn rish: son va bree goll magh ass, va dyn lheihys ad ooilley.

Noo Luke 7:30

Agh ren ny Phariseeyn as fir‐ynsee yn leigh soiaghey beg jeh coyrle Yee nyn ’oï oc hene, as cha row ad er nyn mashtey liorish.

Noo Luke 8:46

As dooyrt Yeesey, Ta peccagh ennagh er ventyn rhym: son ta mee gennaghtyn dy vel bree er n’gholl ass‐ym.

Noo Ean 3:10

Dreggyr Yeesey as dooyrt eh rish, Vel uss dty er‐ynsee ayns Israel, as nagh vel toiggal ayd jeh ny reddyn shoh?

Noo Ean 3:21

Agh eshyn ta jannoo firrinys, t’eh cheet gys y toilshey, dy vod e obbraghyn v’er nyn soilshaghey magh, dy vel ad er nyn obbraghey ayns Jee.

Jannoo 19:11

As s’mooar va ny mirrillyn ren Jee obbraghey liorish laueyn Phaul:

Jannoo 4:30

Liorish sheeyney magh dty laue dy lheihys: as dy vod cowraghyn as yindyssyn v’er nyn yannoo liorish ennym dty lhiannoo casherick Yeesey.

Jannoo 5:34

Eisht hass seose ayns y choonceil Pharisee dy row va enmyssit Gamaliel, fer‐ynsee jeh’n leigh, ayns ard‐ghoo mastey ooilley yn pobble, as doardee eh ny ostyllyn dy ve currit magh son tammylt,