Noo Luke 5:1 - Yn Conaant Noa 1810

¹ As haink eh gy‐kione myr va’n pobble chionney stiagh er dy chlashtyn goo Yee, as eh ny hassoo liorish faarkey Ghennesareth,

Yn Vible Casherick 1775 1819

¹ As haink eh gy-kione myr va’n pobble chionney stiagh er dy chlashtyn goo Yee, as eh ny hassoo liorish faarkey Ghennesaret,

Noo Luke 5:1 ပူးပေါင်းရင်းမြစ်များ

Noo Mian 11:12

As er‐dy laghyn Ean Bashtey derrey nish, ta sleih chionney stiagh gys reeriaght niau, as t’adsyn ta cheet lesh jeeanid cosney stiagh ayn.

Noo Mian 14:34

As tra v’ad er jeet harrish haink ad gys cheer Ghennesaret.

Noo Mark 3:9

As loayr eh rish e ynseydee, lhong veg dy ve aarloo er e hon, kyndagh rish y pobble, son nagh jinnagh ad chionney stiagh er.

Noo Mark 4:1

As ren eh toshiaght reesht dy ynsaghey rish oirr ny marrey: as va earroo mooar dy leih er nyn jaglym cooidjagh huggey, myr shen dy jagh eh er‐board lhong, as hoie eh er y cheayn, as va ooilley yn pobble liorish y cheayn, er y thalloo.

Noo Mark 5:24

As hie Yeesey mârish, as deiyr ymmodee dy leih, as ren ad chionney stiagh er.

Noo Mark 6:53

As tra v’ad er n’gholl harrish, haink ad gys cheer Ghennesaret, as hayrn ad gys thalloo.

Noo Luke 12:1

Nish mysh y traa shen va ymmodee erskyn‐earroo dy leih er nyn jaglym cooidjagh, ayns wheesh as dy row ad stampey yn derrey yeh er yn jeh elley, ghow eh toshiaght dy ghra rish e ostyllyn, Erskyn ooilley bee‐jee twoaiagh jeh soorid ny Phariseeyn, ta shen dy ghra, craueeaght‐oalsey.

Noo Luke 5:2

As honnick eh daa lhong rish oirr y traie: agh va ny eeasteyryn er n’gholl assdoo, as v’ad niee yn lieen.

Noo Luke 8:22

Nish haink eh gy‐kione, er laa dy row, dy jagh eh er‐board lhong marish e ostyllyn: as dooyrt eh roo, Lhig dooin goll harrish gys y cheu elley jeh’n logh. As hie ad magh son y cheayn.

Noo Luke 8:23

Agh myr v’ad shiaulley, huitt eh ny chadley: as dirree sterrym mooar dy gheay er y cheayn, as lhieen yn ushtey stiagh orroo, dy row ad ayns gaue.

Noo Luke 8:33

Eisht hie ny drogh‐spyrrydyn ass y dooinney, as hie ad stiagh ayns ny muckyn: as roie yn ghriagh gour nyn mullee lesh yn eaynee gys y cheayn, as v’ad plooghit.

Noo Luke 8:45

As dooyrt Yeesey, Quoi venn rhym? Tra ren ooilley gobbal, dooyrt Peddyr, as adsyn va mârish, Vainshter, ta’n pobble chionney ort, as dy dty yingey, as t’ou uss gra, Quoi venn rhym?

Noo Ean 1:40

Fer jeh’n jees cheayll Ean loayrt, as deiyr er, va Andreays, braar Simon Peddyr.

Noo Ean 6:1

Ny lurg shoh hie Yeesey harrish faarkey Ghalilee, ny Tiberias.

Hebrewnee 13:7

Cooinee‐jee orroosyn t’er n’ymmyrkey reill harrystiu, t’er loayrt riu goo Yee: geiyrt er y chredjue oc, smooinaghtyn er jerrey nyn ymmyrkey‐bea.