Noo Luke 4:6 - Yn Conaant Noa 1810

⁶ As dooyrt y drogh‐spyrryd rish, Ooilley yn phooar shoh ver‐ym dhyt’s, as y ghloyr oc; son ta shen er ny livrey dou, as da quoi‐erbee saillym, ta mee dy choyrt eh.

Yn Vible Casherick 1775 1819

⁶ As dooyrt y drogh-spyrryd rish, Ooilley yn phooar shoh ver-ym dhyt’s, as y ghloyr oc; son ta shen er ny livrey dou, as da quoi-erbee saillym, ta mee dy choyrt eh.

Noo Luke 4:6 ပူးပေါင်းရင်းမြစ်များ

Noo Luke 4:7

My ver oo er‐y‐fa shen ooashley dou, bee ooilley lhiatt hene.

Noo Ean 12:31

Nish ta briwnys y theihll shoh: nish vees prince y theihll shoh er ny hilgey magh.

Noo Ean 14:30

Veih shoh magh cha loayr‐ym cooidvooar riu: son ta prince y theihll shoh cheet, as cha vel nhee erbee echey aynym’s.

Noo Ean 8:44

Ta shiuish jeh’n ayr eu yn drogh‐spyrryd, as saynt nyn ayrey, ver shiu rish: v’eshyn ny ghunver er‐dyn toshiaght, as cha ren eh tannaghtyn ’syn ynrickys, son nagh vel yn irriney ayn. Tra t’eh loayrt breg, t’eh loayrt jeh e chooid hene: son t’eh ny vreagerey, as ayr ny breagey.

2 Corinthianee 11:14

As cha nee yindys erbee eh; son ta Satan hene goaill er cummey ainle dy hoilshey.

Ephesianee 2:2

Ayndoo ren shiu gimmeeaght ayns y traa t’er n’gholl shaghey cordail rish cliaghtey yn theihll shoh, cordail rish prince pooar yn aer, yn spyrryd ta nish gobbraghey ayns y chloan dy vee‐viallys:

1 Peddyr 1:24

Son ta dy chooilley eill myr faiyr, as ooilley aalid dooinney myr blaa faiyr. Ta’n faiyr fioghey, as ta e vlaa tuittym ersooyl:

1 Ean 5:19

As ta fys ain dy vel shin veih Jee, as dy vel ooilley yn seihll ny lhie ayns mee‐chraueeaght.

Ashlish 12:9

As va’n dragon mooar er ny eiyrt magh, yn chenn ard‐nieu, enmyssit yn Jouyl as Satan, ta molley yn slane seihll; v’eh eiyrit magh gys y thalloo, as va e ainleyn tilgit magh mârish.

Ashlish 13:2

As va’n veisht honnick mee goll rish leopard, as va ny cassyn echey myr cassyn bear, as e veeal myr beeal lion: as hug y dragon e phooar da as e stoyl, as reill mooar.

Ashlish 13:7

As va pooar er ny choyrt da dy chaggey noi ny nooghyn, as dy gheddyn yn varriaght orroo: as va pooar er ny choyrt da harrish dy chooilley chynney, as glare, as ashoon.