Noo Luke 4:40 - Yn Conaant Noa 1810

⁴⁰ Nish ec lhie ny greiney, whilleen as va sleih chingey oc fo mooarane doghanyn, hug ad lhieu ad huggey; as hug eh e laueyn er dy chooilley unnane oc, as ren eh ad y lheihys.

Yn Vible Casherick 1775 1819

⁴⁰ Nish ec lhie ny greïney, whilleen as va sleih chingey oc fo mooarane doghanyn, hug ad lhieu ad huggey; as hug eh e laueyn er dy chooilley unnane oc, as ren eh ad y lheihys.

Noo Luke 4:40 ပူးပေါင်းရင်းမြစ်များ

Noo Mian 11:5

Ta ny doail geddyn nyn soilshey, as ny croobee shooyll, ny louraanee er nyn ghlenney, ny beuyr clashtyn, ny merriu er nyn mioghey, as yn sushtal er ny phreacheil da ny boghtyn.

Noo Mian 14:13

Tra cheayll Yeesey jeh, ghow eh lhuingy’s, as jimmee eh veih shen gys ynnyd faasagh er‐lheh: as tra cheayll y pobble jeh, deiyr ad er ry nyn gosh ass ny ard‐valjyn.

Noo Mark 3:10

Son v’eh er laanaghey ymmodee, ayns wheesh as dy row ad chionney stiagh huggey, dy ventyn rish, whilleen as va dourinagh.

Noo Mark 5:23

As ghuee eh er dy jeean, gra, Ta my inneen veg ny lhie raad y vaaish, tar as cur dty laueyn urree, dy vod ee v’er ny lheihys, as bee ee bio.

Noo Mark 6:5

As cha dod eh mirril erbee y obbraghey ayns shen, cheu‐mooie jeh dy dug eh e laueyn er regyryn dy leih chingey, as dy ren eh ad y lheihys.

Jannoo 19:12

Myr shen dy dug ad lhieu veih’n chorp echey gys sleih chingey, bussallyn as apronyn, as hooar ad rea rish ny doghanyn oc, as hie ny drogh‐spyrrydyn magh assdoo.

Jannoo 5:15

Ayns wheesh as dy dug ad lhieu magh ayns ny straidyn sleih chingey nyn lhie er lhiabbaghyn as lhiaghtyn, dy voddagh eer scadoo Pheddyr goll shaghey; cheet er paart jeu.