Noo Luke 24:39 - Yn Conaant Noa 1810

³⁹ Jeeagh‐jee er my laueyn as my chassyn dy nee mish mee‐hene t’ayn: loaghtee‐jee mee, as jeeagh‐jee, son cha vel feill as craueyn ec scaan myr hee shiu aym’s.

Yn Vible Casherick 1775 1819

³⁹ Jeeagh-jee er my laueyn as my chassyn dy nee mish mee-hene t’ayn: loaghtee-jee mee, as jeeagh-jee, son cha vel feill as craueyn ec scaan, myr hee shiu aym’s.

Noo Luke 24:39 ပူးပေါင်းရင်းမြစ်များ

Noo Luke 23:46

As tra va Yeesey er n’eamagh lesh ard‐choraa, dooyrt eh Ayr, gys dty laueyn ta mish chymney my spyrryd: as tra v’eh er ghra shoh, phaart eh.

Noo Luke 24:38

As dooyrt eh roo, Cre’n‐fa ta shiu seaghnit, as cre’n‐fa ta mee‐ourys troggal ayns nyn greeaghyn?

Noo Luke 24:40

As tra v’eh er ghra shoh, yeeagh eh daue e laueyn as e chassyn.

Noo Ean 20:20

As tra v’eh er ghra shoh, yeeagh eh daue e laueyn as e lhiattee. Eisht ghow ny ostyllyn boggey tra honnick ad y Chiarn.

Noo Ean 20:25

Dooyrt ny ostyllyn elley er‐y‐fa shen rish, Ta shin er vakin y Chiarn. Agh dooyrt eshyn roo, Mannagh vaikym ayns ny laueyn echey ynnyd ny treinaghyn, as mannagh derrym my vair ayns ynnyd ny treinaghyn, as my laue y choyrt stiagh ayns e lhiattee, cha greidym.

Noo Ean 20:27

Eisht dooyrt eh rish Thomase, Sheeyn ayns shoh dty vair, as loaghtee my laueyn; as sheeyn dty laue, as cur ee stiagh ayns my lhiattee: as ny bee mee‐chredjuagh, agh credjuagh.

Jannoo 1:3

Dauesyn myrgeddin hoilshee eh eh‐hene bio lurg e vaase, liorish ymmodee cowraghyn firrinagh, ayns dy row eh er ny akin lioroo da‐eed laa, as dy loayr eh jeh reddyn va bentyn rish, reeriaght Yee.

1 Thessalonianee 5:23

As dy jean y Jee hene dy hee shiu dy slane y chasherickey: as ta mee guee gys Jee dy bee’n slane spyrryd, as annym, as callin eu er ny reayll gyn loght, gys cheet nyn Jiarn Yeesey Creest.

Hebrewnee 12:9

Ny‐sodjey, ta er ve ain ayraghyn dooghyssagh, dreill shin fo smaght, as hug shin arrym daue: nagh der mayd eisht foddey sleaïe biallys da Ayr ny spyrrydyn, as ve bio?

1 Ean 1:1

Shen ny va er‐dyn toshiaght, ny ta shin er chlashtyn, ny ta shin er vakin lesh nyn sooillyn, ny ta shin er yeeaghyn er, as nyn laueyn er loaghtey jeh goo yn vea;