Noo Luke 24:30 - Yn Conaant Noa 1810

³⁰ As haink eh gy‐kione, myr v’eh ny hoie ec bee mâroo, dy ghow eh arran, as vannee eh, as vrish eh, as hirveish eh orroo eh.

Yn Vible Casherick 1775 1819

³⁰ As haink eh gy-kione, myr v’eh ny hoie ec bee mâroo, dy ghow eh arran, as vannee eh, as vrish eh, as hirveish eh orroo eh.

Noo Luke 24:30 ပူးပေါင်းရင်းမြစ်များ

Noo Mian 14:19

As doardee eh yn pobble dy hoie sheese er y faiyr, as ghow eh ny queig bwilleenyn as y daa eeast, as yeeagh eh seose gys niau, as vannee eh, as vrish eh, as hug eh ny bwilleenyn da ny ostyllyn, as hirveish adsyn ad er y pobble.

Noo Mian 15:36

As ghow eh ny shiaght bwilleenyn, as ny eeastyn, as hug eh booise, as vrish eh, as hug eh ad da e ostyllyn, as hirveish adsyn er y pobble ad.

Noo Mian 26:26

As myr v’ad gee, ghow Yeesey arran, as vannee eh as vrish eh eh, as hug eh eh da ny ostyllyn, gra, Gow‐jee, ee‐jee shoh my chorp’s.

Noo Mark 14:22

As myr v’ad gee, ghow Yeesey arran, as vannee eh, as vrish eh eh, as hug eh eh daue, gra, Gow‐jee, ee‐jee, shoh my chorp.

Noo Mark 6:41

As tra v’eh er ghoaill ny queig bwilleenyn as y daa eeast, yeeagh eh seose gys niau, as vannee eh, as vrish eh ny bwilleenyn, as hug eh ad da e ostyllyn dy hoiaghey rhymboo; as y daa eeast rheynn eh ny mast’ oc ooilley.

Noo Mark 8:6

As doardee eh da’n pobble dy hoie sheese er y thalloo: as ghow eh ny shiaght bwilleenyn, as hug eh booise, as vrish eh, as hug eh ad da e ostyllyn dy hoiaghey rhymboo; as ren adsyn shirveish ad er y pobble.

Noo Luke 22:19

As ghow eh arran, as hug eh booise, as vrish eh eh, as hug eh eh daue, gra, Shoh my chorp t’er ny choyrt er nyn son eu: shoh jean‐jee ayns cooinaghtyn jeem’s.

Noo Luke 24:29

Agh lhie ad er, gra, Fuirree mârin, son ta’n fastyr er, as bunnys y laa ceaut. As hie eh stiagh dy uirriaght mâroo.

Noo Luke 24:35

Eisht dinsh adsyn cre ny reddyn va jeant er y raad, as kys hug ad enney er, liorish brishey arran.

Noo Luke 9:16

Eisht ghow eh ny queig bwilleenyn as y daa eeast, as yeeagh eh seose gys niau, as vannee eh, as vrish eh, as hug eh ad da e ostyllyn dy hoiaghey roish y pobble.

Noo Ean 6:11

As ghow Yeesey ny bwilleenyn, as tra v’eh er chur booise, rheynn eh ad er e ostyllyn, as rheynn adsyn ad orroosyn myr v’ad soie; as myrgeddin jeh ny eeastyn wheesh as bailloo.

Jannoo 2:42

As ren ad tannaghtyn ayns ynsagh as sheshaght ny hostyllyn, as ayns brishey arran, as ayns padjeryn.

Jannoo 2:46

As taaghey yn chiamble gagh‐laa lesh un aigney, as brishey arran ’sy thie ghow ad nyn meaghey lesh gennallys as feoiltys cree,

Jannoo 27:35

As tra v’eh er ghra shoh, ghow eh arran, as hug eh booise da Jee, ayns yn enish oc ooilley, as vrish eh eh, as ren eh toshiaght dy ee.