Noo Luke 24:27 - Yn Conaant Noa 1810

²⁷ As goaill toshiaght ec Moses, as ooilley ny phadeyryn, hug eh bun daue er ooilley ny scriptyryn jeh dy chooilley nhee va bentyn rish hene.

Yn Vible Casherick 1775 1819

²⁷ As goaill toshiaght ec Moses, as ooilley ny phadeyryn, hug eh bun daue er ooilley ny scriptyryn jeh dy chooilley nhee va bentyn rish hene.

Noo Luke 24:27 ပူးပေါင်းရင်းမြစ်များ

Noo Mark 4:34

Agh fegooish coraa‐dorraghey cha loayr eh roo: as tra v’ad nyn lomarcan, hoilshee eh dy chooilley nhee da e ostyllyn.

Noo Luke 24:25

Eisht dooyrt eh roo, O shiuish gheiney mee‐hushtagh, as faase‐chredjuagh, nagh vel goaill baght jeh ooilley ny ta ny phadeyryn er loayrt!

Noo Luke 24:44

As dooyrt eh roo, Shoh ny goan loayr mish riu, choud as va mee foast mêriu dy beign da dy chooilley nhee ve cooilleenit va scruit ayns leigh Voses, as ayns ny phadeyryn, as ayns ny psalmyn my‐mychione’s.

Noo Ean 1:45

Veit Philip rish Nathanael, as dooyrt eh rish, Ta shin er gheddyn eshyn, jeh ren Moses ayns y leigh, as ny phadeyryn, scrieu, Yeesey dy Nazareth, mac Yoseph.

Noo Ean 12:41

Ny reddyn shoh loayr Esaias, tra honnick eh e ghloyr as loayr eh jeh.

Noo Ean 5:37

As ta’n Ayr hene t’er my choyrt, er n’ymmyrkey feanish jee’m. Cha vel shiuish er chlashtyn e choraa ec traa erbee, ny er vakin e chaslys.

Noo Ean 5:39

Ronsee‐jee ny scriptyryn, son ayndoosyn ta shiu smooinaghtyn dy vel y vea veayn eu, as she ad shen ta gymmyrkey feanish jeem’s.

Jannoo 10:43

Leshyn ta ooilley ny phadeyryn gymmyrkey feanish, trooid yn ennym echey, quoi‐erbee chred‐jys ayn, dy vow eh feaysley peccaghyn.

Jannoo 3:18

Agh shen va Jee ro‐laue er hoilshaghey liorish beeal ooilley e adeyryn, dy row Creest dy hurranse, t’eh myr shoh er chooilleeney.

Jannoo 3:22

Son dooyrt Moses dy firrinagh rish ny ayraghyn, Phadeyr, myr ta mish, nee yn Chiarn y Jee eu y hroggal seose diu, jeh nyn mraaraghyn; rishyn nee shiu geaishtagh ayns dy chooilley nhee cre‐erbee nee eh y ghra riu.

Jannoo 3:24

As ta myrgeddin ooilley ny phadeyryn veih Samuel, dy jarroo whilleen as haink ny yeï, as ren phadeyrys, er n’insh ro‐laue jeh ny laghyn shoh.

Jannoo 7:37

Shoh va’n Moses cheddin dooyrt rish cloan Israel, Phadeyr nee yn Chiarn y Jee eu y hroggal seose diu jeh nyn mraaraghyn, casley rhym’s; dasyn v’er shiu geill.

Jannoo 8:35

Eisht doshil Philip e veeal, as ghow eh toshiaght ec y scriptyr cheddin, as ren eh Yeesey y phreacheil da.

Ashlish 19:10

As huitt mee ec e chassyn dy choyrt ooashley da: As dooyrt eh rhym, Jeeagh nagh jean oo eh: Ta mish dty heshey harvaant, as jeh dty vraaraghyn ta feanish Yeesey oc: cur ooashley da Jee: son ta feanish Yeesey yn spyrryd dy adeyrys.