Noo Luke 24:26 - Yn Conaant Noa 1810

²⁶ Nagh beign da Creest ny reddyn shoh y hurranse as goll stiagh ayns e ghloyr?

Yn Vible Casherick 1775 1819

²⁶ Nagh beign da Creest ny reddyn shoh y hurranse as goll stiagh ayns e ghloyr?

Noo Luke 24:26 ပူးပေါင်းရင်းမြစ်များ

Noo Luke 24:44

As dooyrt eh roo, Shoh ny goan loayr mish riu, choud as va mee foast mêriu dy beign da dy chooilley nhee ve cooilleenit va scruit ayns leigh Voses, as ayns ny phadeyryn, as ayns ny psalmyn my‐mychione’s.

Noo Luke 24:46

As dooyrt eh roo, Shoh myr te scruit, as shoh myr ve kiarit da Creest dy hurranse, as dy irre yn trass laa veih ny merriu:

Noo Luke 24:7

Gra, Shegin da’n Mac dooinney v’er ny livrey gys laueyn deiney peccoil, as ve er ny chrossey, as girree reesht er y trass laa.

Noo Ean 2:22

Shen‐y‐fa tra v’eh er n’irree veih ny merriu, chooinee ny ynseydee dy row eh er ghra shoh roo: as chred ad yn scriptyr, as y raa va Yeesey er loayrt.

Noo Ean 20:9

Son cha row foast toiggal oc jeh’n scriptyr, dy beign da girree veih ny merriu.

Jannoo 17:3

Soilshaghey as prowal dy beign da Creest v’er hurranse, as er n’irree veih ny merriu: as dy nee Yeesey shoh ta mish dy phreacheil diu, yn Creest.

Hebrewnee 12:2

Jeeaghyn gys Yeesey toshiaght as bun nyn gredjue; ren, son yn eunys va soit kiongoyrt rish, surranse y chrosh, soiaghey beg jeh’n nearey, as t’eh er hoie sheese er laue yesh stoyl‐reeoil Yee.

1 Peddyr 1:11

Ronsaghey cre, ny cre’n imbagh dy hraa ren Spyrryd Chreest va ayndoo cowraghey, tra dymmyrk eh feanish ro‐laue jeh surranse Chreest, as yn ghloyr va dy eiyrt er.

1 Peddyr 1:3

Bannit dy row Jee as Ayr nyn Jiarn Yeesey Creest, ta cordail rish e vyghin vooar er n’gheddyn shin reesht gys treishteil bioal, liorish irree‐seose‐reesht Yeesey Creest veih ny merriu.