Noo Luke 24:25 - Yn Conaant Noa 1810

²⁵ Eisht dooyrt eh roo, O shiuish gheiney mee‐hushtagh, as faase‐chredjuagh, nagh vel goaill baght jeh ooilley ny ta ny phadeyryn er loayrt!

Yn Vible Casherick 1775 1819

²⁵ Eisht dooyrt eh roo, O shiuish gheiney mee-hushtagh, as faase-chredjuagh, nagh vel goaill baght jeh ooilley ny ta ny phadeyryn er loayrt!

Noo Luke 24:25 ပူးပေါင်းရင်းမြစ်များ

Noo Mian 26:24

Ta Mac y dooinney goll, myr te scruit jeh: agh smerg da’n dooinney shen liorish vees Mac y dooinney er ny vrah: s’mie veagh eh son y dooinney shen mannagh row eh rieau er jeet er y theihll.

Noo Mark 16:14

Ny lurg shen hoilshee eh eh‐hene da’n un ostyl yeig, myr v’ad nyn soie ec bee, as hooar eh foill daue son y vee‐credjue as y chreoghys cree oc, er‐yn‐oyr nagh ren ad credjal adsyn v’er vakin eh, erreish da v’er n’irree.

Noo Mark 7:18

As dooyrt eh roo, Vel shiuish myrgeddin lesh cha beg dy hushtey? nagh vel shiu foast cur tastey, cre‐erbee veih cheu‐mooie ta goll stiagh ayns y dooinney, nagh vod eh jannoo neu‐ghlen jeh,

Noo Mark 9:19

Dreggyr eshyn as dooyrt eh, O heeloghe vee‐chredjuagh, caïd ta mish dy ve mêriu? caïd ta mee dy hurranse diu? cur lhiat eh hym’s.

Noo Luke 24:24

As hie shiartanse jeusyn va mârinyn gys yn oaie, as hooar ad eh eer myr va ny mraane er ghra; agh eh hene cha vaik ad.

Noo Ean 5:39

Ronsee‐jee ny scriptyryn, son ayndoosyn ta shiu smooinaghtyn dy vel y vea veayn eu, as she ad shen ta gymmyrkey feanish jeem’s.

1 Corinthianee 15:3

Son livrey mee diu hoshiaght ooilley, shen ny hooar mee hene myrgeddin, kys dy dooar Creest baase son nyn beccaghyn cordail rish ny scriptyryn: