Noo Luke 23:42 - Yn Conaant Noa 1810

⁴² As dooyrt eh rish Yeesey, Hiarn, cooinee orryms tra hig oo gys dty reeriaght.

Yn Vible Casherick 1775 1819

⁴² As dooyrt eh rish Yeesey, Hiarn, cooinee orrym’s tra hig oo gys dty reeriaght.

Noo Luke 23:42 ပူးပေါင်းရင်းမြစ်များ

Noo Luke 12:8

Myrgeddin ta mee gra riu, Quoi‐erbee ghoys rhyms kiongoyrt rish deiney, nee yn Mac dooinney myrgeddin goaill rishyn kiongoyrt rish ainleyn Yee.

Noo Luke 18:13

As hass y publican foddey veih, as cha b’lhoys da wheesh as e hooillyn y hroggal seose gys niau, agh woaill eh er e chleeau, gra, Dy row Jee myghinagh dooys ta my ghooinney peccoil.

Noo Luke 23:41

As shinyn dy jarroo dy cairagh; son ta shin er gheddyn toil‐chinys cooie yn jannoo ain: agh cha vel y dooinney shoh er n’yannoo aggair erbee.

Noo Luke 23:43

As dooyrt Yeesey rish, Dy firrinagh ta mee gra rhyt, Dy bee uss mârym’s jiu ayns Paradise.

Noo Luke 24:26

Nagh beign da Creest ny reddyn shoh y hurranse as goll stiagh ayns e ghloyr?

Noo Ean 1:49

Dreggyr Nathanael as dooyrt eh rish, Rabbi, oo mac Yee, oo ree Israel.

Noo Ean 20:28

As dreggyr Thomase as dooyrt eh rish, My Hiarn, as my Yee.

Jannoo 16:31

As dooyrt ad, Jean credjal ayns y Chiarn Yeesey Creest, as bee oo hene as dty hie er nyn sauail.

Jannoo 20:21

Gymmyrkey feanish chammah gys ny Hewnyn as myrgeddin gys ny Ashoonee, mychione arrys gys Jee, as credjue gys nyn Jiarn Yeesey Creest.

1 Peddyr 1:11

Ronsaghey cre, ny cre’n imbagh dy hraa ren Spyrryd Chreest va ayndoo cowraghey, tra dymmyrk eh feanish ro‐laue jeh surranse Chreest, as yn ghloyr va dy eiyrt er.

1 Ean 5:1

Quoi‐erbee ta credjal dy nee Yeesey yn Creest, t’eh ruggit jeh Jee: as dy chooilley unnane ta graihagh ersyn ren geddyn, shynney lesh eshyn myrgeddin ta er ny gheddyn liorish.