Noo Luke 23:14 - Yn Conaant Noa 1810

¹⁴ As dooyrt eh roo, Ta shiu er chur lhieu yn dooinney shoh hym’s, myr fer ta cur shaghrynys er y pobble: as cur‐my‐ner, ta mish er veysht eh kiongoyrt riu, as cha vel mee er gheddyn foill erbee ayns y dooinney shoh, mychione ny reddyn ta shiuish cur ny lieh;

Yn Vible Casherick 1775 1819

¹⁴ As dooyrt eh roo, Ta shiu er chur lhieu yn dooinney shoh hym’s, myr fer ta cur shaghrynys er y pobble: as cur-my-ner, ta mish er veysht eh kiongoyrt riu, as cha vel mee er gheddyn foill erbee ayns y dooinney shoh, mychione ny reddyn ta shiuish cur ny lieh;

Noo Luke 23:14 ပူးပေါင်းရင်းမြစ်များ

Noo Mian 27:19

Erreish da soie er stoyl y vriwnys, hug e ven fys huggey, gra, Ny bee veg ayd’s dy yannoo rish y dooinney cairagh shen: son s’mooar ta mee er hurranse jiu ayns my chadley, er y choontey echeysyn.

Noo Mian 27:24

Tra honnick Pilate nagh dug ad geill da e choyrle, agh dy row ad aarloo dy irree‐magh, ghow eh ushtey, as niee eh e laueyn kiongoyrt rish y pobble, gra, Ta mish neu‐chyndagh jeh fuill yn phersoon cairagh shen jeeagh‐jee shiuish da.

Noo Mian 27:4

Gra, Ta mee er n’yannoo peccah, ayns dy vel mee er vrah yn uill neu chyndagh. As dooyrt adsyn, Cre ta shen dooinyn? jeeagh uss da shen.

Noo Mian 27:54

Nish tra honnick yn captan, as adsyn va mârish freayll arrey er Yeesey, yn craa‐thallooin, as ny reddyn v’er jeet gy‐kione, ghow ad aggle mooar, gra, Dy firrinagh shoh va Mac Yee.

Jannoo 13:28

As ga nagh dooar ad oyr erbee baaish ayn, ny‐yeih ghuee ad er Pilate e vioys y ghoaill.

Jannoo 17:11

V’ad shoh jeh cree s’ooasle na ny Thessalonianee, ayns dy deaisht ad rish y goo lesh slane arryltys aigney, ronsaghey ny scriptyryn gagh laa, nee shoh myr va ny reddyn shen.

Hebrewnee 7:26

Son va lheid yn ard‐saggyrt shoh cooie er nyn son, ta casherick, gyn loght, glen, scarrit voish peccee, as jeant ny syrjey na ny niaughyn;