Noo Luke 22:70 - Yn Conaant Noa 1810

⁷⁰ Eisht dooyrt ad ooilley, Nee oo eisht Mac Yee? As dooyrt eh roo, Ta shiuish gra ny ta mee.

Yn Vible Casherick 1775 1819

⁷⁰ Eisht dooyrt ad ooilley, Nee oo eisht Mac Yee? As dooyrt eh roo, Ta shiuish gra ny ta mee.

Noo Luke 22:70 ပူးပေါင်းရင်းမြစ်များ

Noo Mian 26:25

Eisht dansoor Yuaase, ren y vrah eh, as dooyrt eh, Vainshter, nee mish eh? Dooyrt eshyn rish, T’ou er ghra eh.

Noo Mian 26:64

Dooyrt Yeesey rish, T’ou uss er ghra eh: ny‐yeih ta mish gra riu, Ny lurg shoh hee shiu Mac y dooinney ny hoie er laue‐yesh yn phooar, as cheet ayns bodjallyn yn aer.

Noo Mian 27:11

As hass Yeesey fenish y chiannoort, as dênee yn kiannoort jeh, gra, Nee uss ree ny Hewnyn? As dooyrt Yeesey rish, T’ou uss dy ghra eh.

Noo Mian 27:43

Hreisht eh ayns Jee; lhig da eh y livrey nish my saillish eh: son dooyrt eh, She mac Yee mee.

Noo Mian 27:54

Nish tra honnick yn captan, as adsyn va mârish freayll arrey er Yeesey, yn craa‐thallooin, as ny reddyn v’er jeet gy‐kione, ghow ad aggle mooar, gra, Dy firrinagh shoh va Mac Yee.

Noo Mian 3:17

As cur‐my‐ner, coraa veih niau gra, Shoh my vac ennoil, jeh ta mee dy mooar soiaghey.

Noo Mian 4:3

As haink y mioleyder huggey, gra, My she mac Yee oo, cur sarey da ny claghyn shoh dy ve jeant nyn arran.

Noo Mark 14:62

As dooyrt Yeesey, She shen mee: as hee shiuish Mac y dooinney ny hoie er laue yesh y phooar, as cheet ayns bodjallyn yn aer.

Noo Mark 15:2

As dênee Pilate jeh, Nee uss ree ny Hewnyn? As dreggyr eshyn as dooyrt eh rish, Ta mee ny t’ou uss dy ghra.

Noo Luke 22:71

As dooyrt ad, Cre’n feme sodjey t’ain er feanishyn? son ta shin hene er chlashtyn veih’n veeal echey hene.

Noo Luke 23:3

As dênee Pilate jeh, gra, Nee ree ny Hewnyn oo? As dreggyr eh, as dooyrt eh, T’ou uss dy ghra eh,

Noo Luke 4:41

As haink drogh‐spyrrydyn myrgeddin magh ass ymmodee, gyllagh as gra, Oo yn Creest Mac Yee. As hug eh oghsan daue, as cha lhig eh daue loayrt; son va fys oc dy nee eh va’n Creest.

Noo Ean 1:34

As honnick mee eh, as dymmyrk mee feanish, dy nee shoh Mac Yee.

Noo Ean 1:49

Dreggyr Nathanael as dooyrt eh rish, Rabbi, oo mac Yee, oo ree Israel.

Noo Ean 10:30

Ta mish as my Ayr unnane.

Noo Ean 10:36

Vel shiu gra mychionesyn ta’n Ayr er chasherickey, as er choyrt gys y theihll, T’ou loayrt goan‐mollaghtagh; er‐yn‐oyr dy dooyrt mee, She Mac Yee mee?

Noo Ean 18:37

Dooyrt Pilate er‐y‐fa shen rish, Vel oo dty ree eisht? Dreggyr Yeesey, T’ou uss er ghra eh, ta mee my ree. Er son shoh ruggyr mee, as er yn oyr shoh haink mee gys y theihll, dy ymmyrkey feanish gys yn irriney, Ta dy chooilley unnane ta jeh’n irriney clashtyn my choraa.

Noo Ean 19:7

Dreggyr ny Hewnyn eh, Ta leigh ainyn, as liorish y leigh ain lhisagh eh v’er ny choyrt gy‐baase, er‐y‐fa dy ghow eh er dy nee Mac Yee v’eh.