Noo Luke 22:42 - Yn Conaant Noa 1810

⁴² Gra, Ayr, my she dty aigney eh, scugh yn cappan shoh voym: ny‐yeih cha nee my aigney’s, agh dt’aigney’s dy row jeant.

Yn Vible Casherick 1775 1819

⁴² Gra, Ayr, my she dty aigney eh, scugh yn cappan shoh voym: ny-yeih cha nee my aigney’s, agh dt’aigney’s dy row jeant.

Noo Luke 22:42 ပူးပေါင်းရင်းမြစ်များ

Noo Mian 11:25

Ec y traa shen dreggyr Yeesey as dooyrt eh, Ta mee cur booise dhyt, O Ayr, Hiarn niau as thalloo, er‐yn oyr dy vel oo er cheiltyn ny reddyn shoh vouesyn ta creeney as tushtagh, as dy vel oo er hoilshaghey ad da oikanyn.

Noo Mian 11:26

Shen dy jarroo myr te, Ayr, son shen myr ve mie ayns dty hilley’s.

Noo Mian 20:22

Agh dreggyr Yeesey as dooyrt eh, Cha vel fys eu hene cre ta shiu dy yeearree. Vod shiu giu jeh’n cappan ta mish giu jeh, as v’er nyn mashtey lesh y bashtey ta mish dy ve bashtit lesh? Dooyrt adsyn rish, Foddee mayd?

Noo Mian 26:39

As hie eh red beg sodjey, as huitt eh sheese er e eddin, as ghow eh padjer, as dooyrt eh, O my Ayr, my oddys eh ’ve lhig da’n cappan shoh goll shagh‐ym: ny‐yeih cha nee m’aigney’s, agh dty aigney’s dy row jeant.

Noo Mian 26:42

Hie eh roish reesht yn nah cheayrt, as ghow eh padjer, gra, O my Ayr, mannagh vod yn cappan shoh goll shagh ym, fegooish mee dy iu eh, dty aigney’s dy row jeant.

Noo Mian 26:44

As daag eh ad, as hie eh roish reesht as ghow eh padjer yn trass cheayrt, gra ny goan cheddin.

Noo Mian 6:10

Dy jig dty reeriaght. Dty aigney dy row jeant er y thalloo, myr te ayns niau.

Noo Mark 14:36

As dooyrt eh, Abba, Ayr, ta dy chooilley nhee ayns dty phooar, gow ersooyl yn cappan shoh voym: ny‐yeih cha nee my aigney’s, agh dty aigney’s dy row jeant.

Noo Luke 23:34

Eisht dooyrt Yeesey, Ayr, jean leih daue; son cha vel fys oc cre t’ad dy yannoo. As rheynn ad e choamrey, as hilg ad lottyn.

Noo Ean 18:11

Eisht dooyrt Yeesey rish Peddyr, Cur seose dty chliwe ayns y fine: yn cappan ta my Ayr er chur dou, nagh niu‐ym eh?

Noo Ean 4:34

Dooyrt Yeesey roo, Yn beaghey aym’s eh, dy yannoo yn aigney echeysyn t’er my choyrt, as dy chooilleeney yn obbyr echey.

Noo Ean 5:30

Cha voddym jee’m pene nhee erbee y yannoo: myr ta mee clashtyn, ta mee briwnys: as ta my vriwnys cairagh, er‐yn‐oyr nagh vel mee shirrey my aigney hene, agh aigney yn Ayr t’er my choyrt.

Noo Ean 6:38

Son haink mish neose veih niau, cha nee dy yannoo my aigney hene, agh yn aigney echeysyn ren m’y choyrt.

Jannoo 21:14

As tra nagh beagh eh coyrlit, scuirr shin, gra, Aigney yn Chiarn dy row jeant.