Noo Luke 22:36 - Yn Conaant Noa 1810

³⁶ Eisht dooyrt eh roo, Agh nish eshyn ta sporran echey, lhig da y ghoaill eh, as myrgeddin e spaagey: as eshyn nagh vel cliwe echey, lhig da creck e gharmad, as cliwe y chionnaghey.

Yn Vible Casherick 1775 1819

³⁶ Eisht dooyrt eh roo, Agh nish eshyn ta sporran echey, lhig da y ghoaill eh, as myrgeddin e spagey: as eshyn nagh vel cliwe echey, lhig da creck e gharmad, as cliwe y chionnaghey.

Noo Luke 22:36 ပူးပေါင်းရင်းမြစ်များ

Noo Mian 10:10

Ny spagey son y raad, ny daa chooat, ny braagyn, ny lorg: (son ta’n obbree toilliu e veaghey)

Noo Luke 22:35

As dooyrt eh roo, Tra hug mee shiu magh fegooish sporran, as spagey, as braagyn, row nhee erbee dy laccal erriu? As dooyrt ad, Cha row nhee erbee.

Noo Luke 22:37

Son ta mee gra riu, Dy nhegin da shoh ny ta scruit, ve foast cooilleenit aynym’s, As v’eh er ny earroo marish ny drogh‐yantee: son ta jerrey er ny reddyn ta my‐mychione’s.

Noo Luke 22:38

As dooyrt ad, Hiarn, cur‐my‐ner ta daa chliwe ayns shoh. As dooyrt eh roo, Te dy liooar.

Noo Ean 15:20

Cooinee‐jee er y raa loayr mish riu, Cha vel y charvaant ny syrjey na e hiarn. My t’ad er n’yannoo tranlaase orrym’s, nee ad myrgeddin tranlaase erriuish: my t’ad er vreayll my ghoan’s, freillee ad ny goan euish myrgeddin.

Noo Ean 16:33

Ny reddyn shoh ta mee er loayrt riu, aynym’s dy vod shee y ve eu. Ayns y theihll vees seaghyn eu: agh bee‐jee dy yien mie, ta mish er gheddyn barriaght er y theihll.

1 Thessalonianee 3:4

Son dy firrinagh, tra va shin mêriu, dinsh shin diu ro‐laue, dy row shin dy hurranse seaghyn, dy jarroo myr haink eh gy‐kione, as ta fys eu hene er.

1 Peddyr 4:1

Ayns wheesh eisht as dy vel Creest er hurranse er nyn son ayns yn eill, bee‐jee shiuish myrgeddin eillit lesh yn aigney cheddin: son eshyn t’er hurranse ayns yn eill, t’eh er scuirr veih peccah;